У Сірыі прызначылі кіраўніка пераходнага ўрада: што пра яго вядома

Мухамед аль-Башыр будзе займаць гэтую пасаду да сакавіка.

Кіраўніком часовага ўрада Сірыі быў прызначаны Мухамед аль-Башыр, паведамляе Reuters.

Аб сваім прызначэнні аль-Башыр абвясціў у эфіры нацыянальнай тэлевізіі ў аўторак, 10 снежня. Ён будзе займаць гэтую пасаду да 1 сакавіка 2025 года.

Агенцтва Bloomberg піша, што паўстанцкая групоўка, якая зрынула рэжым дыктатара Башара Асада, даручыла аль-Башыру сфармаваць пераходны ўрад. Ён сфармуе кабінет міністраў, каб кіраваць пераходным перыядам і пазбегнуць спаўзання ў хаос.

Аль-Башыр, інжынер па адукацыі, быў кіраўніком квазіўрада, створанага ў 2017 годзе ісламісцкай групоўкай Хаят Тахрыр аш-Шам, якая зрынула ўрад Асада на выходных. Адміністрацыя мела штаб-кватэру ў Ідлібе для кіравання горадам на паўночным захадзе Сірыі і іншымі кантраляванымі паўстанцамі тэрыторыямі.

Паводле звестак Arabiya TV, пастанова даручыць яму сфармаваць пераходны ўрад адбылася пасля сустрэчы паміж аль-Башырам, лідарам паўстанцаў Махамедам аль-Джалані і прэм'ер-міністрам Сірыі падчас праўлення Асада Газі аль-Джалалі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]