Расейскія вайскоўцы ўцякаюць з поўначы Сірыі

РФ пакідае важныя базы.

Расейскія вайскоўцы пакінулі базы ў населеных пунктах Кабані і Манбідж, размешчаныя на поўначы Сірыі. Пра гэта піша газета The Washington Post (WP) са спасылкай на мясцовыя СМІ.

Паводле інфармацыі журналістаў WP, падраздзяленні Узброеных сіл РФ занялі былую базу амерыканскіх войскаў у горадзе Манбідж у 2019 годзе пасля таго, як яе пакінулі амерыканскія вайскоўцы. З матэрыялу вынікае, што расейскія вайскоўцы выкарыстоўвалі гэты аб'ект у якасці пункта пераладавання пры патруляванні мясцовасці.

База ў горадзе Кабані, у сваю чаргу, была прызначаная для маніторынгу пагаднення аб спыненні агню на мяжы Турцыі і Сірыі. Размова ідзе аб дамоўленасцях, якіх Пуцін і турэцкі лідар Раджэп Таіп Эрдаган дасягнулі ў сакавіку 2020 года.

"Расейскія войскі ўжо пакідаюць базы ў Манбіджы і Кабані, паведаміла ў панядзелак сірыйскае інфармацыйнае агенцтва North Press Agency", – гаворыцца ў публікацыі The Washington Post.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]