CNN: Падзенне Асада сур'ёзна ўдарыла па Расеі

Пуцін не стане важным гульцом на Блізкім Усходзе.

Для Крамля ўцёкі зрынутага дыктатара Сірыі Башара Асада ў Маскву пасля вокамгненнага краху ягонага рэжыму - гэта не толькі страта дзяржавы-кліента.

Пра гэта ў сваім матэрыяле піша старшы рэдактар CNN Натан Ходж, падкрэсліваючы, што падзенне дынастыі Асадаў стала сур'ёзным ударам па амбіцыях Пуціна стаць важным гульцом на Блізкім Усходзе. Таксама падзеі ў Сірыі "ўздымаюць пытанне наконт уразлівасці рэжыму Пуціна", піша CNN.

Ходж таксама паказвае на гістарычныя паралелі - Асад далучыўся да былога прэзідэнта Украіны Віктара Януковіча, які таксама ўцёк у Расею, а сірыйцы блукаюць па палацы Башара ў Дамаску, як калісьці ўкраінцы па рэзідэнцыі ў Межыгор'і.

"Уцёкі Асада з Сірыі сталі для ўкраінцаў не проста момантам, каб атрымаць асалоду ад сімвалічнай няўдачы Пуціна", — піша Ходж.

Рэжым Башара Асада ўпаў у той момант, калі прэзідэнт Украіны Уладзімір Зяленскі знаходзіўся ў Парыжы, дзе сустрэўся з прэзідэнтам Францыі Эмануэлем Макронам і абраным прэзідэнтам ЗША Дональдам Трампам.

Існуюць асцярогі, што новая адміністрацыя ЗША можа спыніць падтрымку Кіева, аднак крах рэжыму Асада можа патэнцыйна прыслабіць пазіцыі Пуціна ў перамовах аб спыненні вайны ва Украіне, адзначае аўтар артыкула. Асабліва, калі пагрозы расейскага лідара ў апошнія тыдні ядзернай эскалацыі будуць успрынятыя як пустыя.

Таксама крах рэжыму Асада з'яўляецца цалкам рэальнай вайсковай стратай для Пуціна, бо ў Сірыі Масква трымала вайсковую марскую базу, а таксама выкарыстоўвала сваю авіябазу Хмеймім.

Аднак, падкрэслівае Натан Ходж, магчыма, яшчэ рана спісваць Пуціна з рахункаў як канкурэнта-перамоўніка і патэнцыйнага апанента, нягледзячы на адхіленне Асада.

На думку некаторых палітолагаў, параза Башара Асада можа ўзмацніць жорсткасць пазіцыі Пуціна на перамовах аб Украіне, бо гэта вайна ў нейкай ступені каштавала яму Сірыі.

Ён можа выставіць дадатковыя ўмовы, яго нежаданне ісці на кампраміс узмоцніцца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]