Беларускі рэжым нездарма баіцца

У сірыйскім тэлевізары стабільнасць таксама трымалася да апошняга.

Вось не буду хлусіць, не думаў я суботу, што праз тры дні зноў буду табе пісаць пра сірыйскую стабільнасць. Яшчэ калі ў суботу ўвечар клаўся спаць, якая-ніякая стабільнасць у Асада ўсё ж была. А калі прачнуўся ў нядзелю высвелілася, што яна раптам скончылася.

І атрымліваецца, што ад поўнай стабільнасці ў прэзідэнцкім палацы да кулі кватэры ў Маскве для гуманітарнага прытулку Асаду спатрэбілася два тыдні. Хаця нават пасля Алепа за тры дні нішто не прадвяшчала, што сірыйская стабільнасць так хутка скончыцца.

Таму што ў стабільнасці ж было літаральна ўсё. Такая стабільнасць увогуле рэдка ў каго бывае. выбары былі такімі ж сумленнымі, адкрытымі і дэмакратычнымі як беларускія. Сірыйская стабільнасць была больш трывалай за беларускую на 15 адсоткавых пунктаў, калі верыць вынікам апошніх сірыйскіх выбараў у 2021 годзе. А чаму б нам ім не верыць? Я думаю, што сірыйскія выбары былі такімі ж сумленнымі, адкрытымі і дэмакратычнымі як беларускія.

Я, праўда, не магу табе дакладна сказаць, куды падзеліся трынаццаць з паловай мільёнаў сірыйцаў, якія тры гады таму прагаласавалі за Асада. Ну, відаць, прыкладна туды ж, куды падзеліся чатыры з паловай мільёны беларусаў, якія ў дваццатым годзе прагаласавалі за гаранта беларускай стабільнасьці. І туды ж, куды падзенуцца два з паловай мільёны чалавек, якія за яго падпісаліся ў гэтым годзе.

І брацкія гарантыі бяспекі ў Асада былі не горшыя, чым у кагосьці. І войска сірыйскае на супольных манеўрах перамагала кожнага неверагоднага супраціўніка. Можа нават лепш, чым беларуская.

Але потым высветлілася, што пры выглядзе магчмага супраціўніка сірыйскае войска, страчваючы танкі, адразу пераходзіць да альтэрнатыўна-наступальных манеўраў. У адрозненне ад беларускіх, сірыйскім генералам даводзілася ўсё ж такі ваяваць не толькі ў сябе ў тэлевізары. Але, мабыць, ім гэта не вельмі спадабалася.

І вось хачу для цябе падкрэсліць, што чым далей, тым лепш я разумею беларускія ўлады. У сэнсе навошта яны так баяцца сваёй уласнай электаральнай кампаніі. Таму што яны ж сваю стабільнасць ведаюць лепш, чым мы з табой. І разумеюць, што стабільнасць стабільная, пакуль яе стабільнасць ніхто не правяраў.

А з якога боку стабільнасць могуць праверыць беларускія ўлады не ведаюць. Таму нервуюцца. Таму распавядаюць у тэлевізары, што да стабільнасці лепш блізка не падыходзіць. Таму што інакш стабільнасць за сябе не адказвае.

І я хачу табе нагадаць, што ў сірыйскім тэлевізары стабільнасць таксама трымалася да апошняга. Вось ужо ў прыгарадах Дамаска стабільнасць скончылася, а ў тэлевізары ўсё было як заўсёды стабільна.

Ты мне можаш, вядома, сказаць, што ў сірыйскіх паўстанцаў ёсць зброя, а ў нас няма нават паўстанцаў. А я табе скажу, што ўсе стабільнасці стабільныя аднолькава, а заканчваецца кожная па-свойму.

Вось некаторым трэба спачатку страціць Алепа за тры дні.

Telegram-канал «Лісты да дачкі»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]