Як футбол аб'яднаў палякаў і беларусаў у барацьбе з рэжымам Лукашэнкі
13- 8.11.2024, 19:50
- 22,894
Атмасфера на стадыёне ўзарвала СМІ і расказала свету аб сітуацыі ў Беларусі.
Учора на стадыёне ў Варшаве адбыўся першы ў гісторыі матч паміж польскай «Легіяй» і менскім «Дынама» ў рамках Лігі канферэнцый, які скончыўся перамогай гаспадароў - 4:0. Але галоўнай падзеяй сталі не баталіі на полі, а неймаверная атмасфера на трыбунах. У гэты вечар лозунг «Mińsk, Warszawa, wspólna sprawa!» зайграў новымі фарбамі.
Фанаты польскага клуба праявілі салідарнасць з беларусамі і палякамі, якія знаходзяцца ў лукашэнкаўскіх турмах. Беларусы прыйшлі на матч з бел-чырвона-белымі сцягамі і плакатамі з беларускімі добраахвотнікамі, якія ваявалі за Украіну, а польскія заўзятары вывесілі банэры з ёмістымі лозунгамі на адрас Лукашэнкі.
Лукашысты вельмі моцна баяліся гэтага матча, забараніўшы трансляцыі ў Беларусі. Таксама «Дынама» адмовілася ад сектара гасцей, які ў выніку палякі пастанавілі адкрыць для беларусаў з нацыянальнай сімволікай.
Схаваць матч ад вачэй беларусаў, якія жывуць унутры краіны, ідэолагам не ўдалося. Жыхары краіны актыўна глядзелі трансляцыі ў інтэрнэце, а таксама дзяліліся атмасфернымі фота відэа ў СМІ і сацыяльных сетках.
Беларусы крычалі «Жыве Беларусь!» – у адказ польскія заўзятары пляскалі ў ладкі нашым суайчыннікам. Таксама палякі і беларусы ладзілі пераклічкі, удакладняючы статус дыктатара Лукашэнкі.
Палякі, якія перажылі камуністычную дыктатуру, цудоўна разумеюць, што зараз адчуваюць беларусы, таму польска-беларускі дэвіз «Za naszą i waszą wolność» (За нашу і вашу свабоду) не страціў актуальнасць і сёння. Будзем спадзявацца, што наступны матч паміж «Дынама» і «Легіяй» адбудзецца ўжо ў свабоднай Беларусі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
