Як будуць працаваць банкі і пошта на вялікія лістападаўскія выходныя

Якія пачынаюцца з заўтрашняга дня.

У многіх працаўнікоў з заўтрашняга дня пачынаюцца доўгія выходныя, якія працягнуцца да панядзелка. «Тэлеграф» расказвае, як гэтымі днямі будуць працаваць банкі, паштовыя аддзяленні і медыцынскія ўстановы.

Белпошта

Белпошта традыцыйна ў святочныя дні змяняе ўмовы прыёму ўнутраных адпраўленняў паскоранай пошты (гэта значыць тую, што абавязаны даставіць не пазней як праз дзень). Так, у Менску 6 лістапада прымаць адпраўленні змогуць толькі ў наступныя гарады:

• Баранавічы, Бяроза, Берасце, Пінск, Полацк, Віцебск, Ворша, Глыбокае, Наваполацк, Калінкавічы, Мазыр, Жлобін, Гомель, Ліда, Гародня, Барысаў, Бабруйск, Магілёў, Менск.

А вось у святочны дзень, 7 лістапада, прымаць пачнуць апраўленні ва ўсе гарады, але толькі ў дзяжурных аддзяленнях, якія працуюць у святочныя дні.

У абласных аддзяленнях Белпошты прыём паскораных адпраўленняў таксама прымаюць толькі ў вышэй названыя гарады, а 7 лістапада прымаць не будуць зусім.

Акрамя таго, Белпошта таксама перанесла выплаты пенсій і сацыяльных дапамог за 7 лістапада. Камусьці іх выплацілі яшчэ 5 лістапада, некаторым выплачваюць сёння, 6 лістапада.

Аддзяленні банкаў

Што тычыцца аддзяленняў банкаў, то кожная кампанія сама вызначае свой графік працы, таму калі вы надумаеце наведацца ў банк у святочныя дні, лепш будзе ўдакладніць, ці працуе ён, на афіцыйным сайце кампаніі ці праз тэлефон кантакт-цэнтра. Дарэчы, на сайтах многіх банкаў працуе сэрвіс "Онлайн-кансультант", якому таксама можна задаць пытанне аб працы канкрэтнага аддзялення.

Практычна ўсе банкі краіны пільнуюцца стандартных правілаў, прадугледжаных у беларускім заканадаўстве:

• 6 лістапада (серада) працуюць згодна з рэжымам перадсвяточнага дня, гэта значыць скарацілі працоўны час на гадзіну,

• 7 лістапада (чацвер) практычна ўсюды выходны дзень,

• 8-9 лістапада (пятніца-субота) - працуюць аддзяленні, у якіх звычайна субота з'яўляецца працоўным днём,

• 10 лістапада (нядзеля) - выхадны дзень (за выключэннем дзяжурных аддзяленняў),

• 16 лістапада (субота, на якую перанеслі пазапланавы выхадны 8 лістапада) - працоўны дзень паводле рэжыму будняга.

Зрэшты, некаторыя банкі, напрыклад, банк БелВЭБ, таксама зладзіў для сваіх работнікаў чатыры выходныя запар.

Лякарні, паліклінікі і аптэкі

Згодна з якім графікам будуць працаваць медыцынскія ўстановы і аптэкі, раней паведамілі ў Міністэрстве аховы здароўя. Так, у лякарнях і РНПЦ надумалі не пераносіць працоўную пятніцу 8 лістапада, таму яны ў гэты дзень будуць працаваць у звычайным рэжыме (праўда, медычныя службы паабяцалі ўзмацніць у гэтыя дні за кошт дзяжурных).

А вось амбулаторыі, паліклінікі, паліклінічныя аддзяленні лякарняў і рэспубліканскіх навукова-практычных цэнтраў (РНПЦ), арганізацыі службы крыві, санітарна-эпідэміялагічныя арганізацыі, а таксама аптэкі, арганізацыі медтэхнікі і арганізацыі асаблівага тыпу на лістападаўскіх выхадных будуць працаваць паводле наступнага графіку:

7 лістапада - паводле рабочага графіку святочнага дня;

8 лістапада - паводле рабочага графіку суботняга дня;

9 лістапада - паводле рабочага графіку суботняга дня;

10 лістапада - паводле рабочага графіку выхаднога дня;

16 лістапада - паводле графіку звычайнага працоўнага дня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]