Двое жыхароў Магілёва хацелі пастраляць качак, але «трапілі» на 9600 рублёў

Планы паляўнічых рэзка памяняліся.

Двое прыяцеляў з Магілёва прыехалі ў Чавускі раён, каб паляваць на качак, але застрэлілі казуль. На іх пачалі крымінальную справу, паведамілі ў прэс-службе Следчага камітэта.

Паводле інфармацыі следства, раніцай 2 лістапада двое прыяцеляў з Магілёва (39 і 45 гадоў) прыехалі ў вёску Залессе, дзе знаходзіўся дачны надзел аднаго з іх. Непадалёк ад вёскі мужчыны збіраліся папаляваць на качак і адпачыць, аднак іх планы нечакана змяніліся, калі яны паехалі па ваду і сустрэлі па дарозе казулю. Адзін з мужчын дастаў стрэльбу і проста з акна аўтамабіля стрэліў у жывёліну, забіўшы яе.

Прыяцелі загрузілі тушу жывёлы ў аўто і завезлі на лецішча, дзе разрабілі і зноў паехалі па ваду. Практычна ў тым жа месцы на дарогу ім выйшла яшчэ адна казуля - яе яны таксама забілі.

«У гэты час супрацоўнікі Магілёўскай абласной інспекцыі аховы жывёльнага і расліннага свету праводзілі рэйдавую акцыю, падчас якой пачулі стрэлы. Абследуючы найбліжэйшую мясцовасць, інспектары хутка выйшлі на браканьераў, якія паспелі прывезці яшчэ адну жывёліну да свайго дамка. Інспектары выклікалі следча-аператыўную групу», - распавялі ў СК.

Устаноўлена, што мужчыны не мелі дазволу паляваць на гэты тып жывёл. Шкода, нанесеная навакольнаму асяроддзю, склала 9600 рублёў.

У дачыненні да жыхароў Магілёва распачалі крымінальную справу паводле ч. 4 арт. 282 КК (Незаконнае паляванне, якое прывяло да прычынення шкоды ў асабліва вялікай суме).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]