Прэзідэнт Польшчы павіншаваў Трампа з перамогай на выбарах у ЗША
5- 6.11.2024, 12:01
- 3,074
Разам з іншымі лідарамі краін ЕЗ і NATO.
Лідары еўрапейскіх краін пачалі віншаваць кандыдата Рэспубліканскай партыі Дональда Трампа з перамогай на прэзідэнцкіх выбарах у ЗША.
Сваё віншаванне і прывітанне апублікаваў прэзідэнт Польшчы Анджэй Дуда.
Congratulations, Mr. President @realDonaldTrump! You made it happen! 👏👏👏🇵🇱🤝🇺🇸
— Andrzej Duda (@AndrzejDuda) November 6, 2024
Прэзідэнт Францыі Эманюэль Макрон павіншаваў Трампа з перамогай і адзначыў, што гатовы супрацоўнічаць з ім, як і пры яго папярэдняй кадэнцыі, "з павагай і амбіцыямі, дзеля міру і росквіту".
Прэм'ер Італіі Джорджыя Мелоні выказала віншаванні Трампу, адзначыўшы, што Італія і ЗША - "сястрынскія" краіны, аб'яднаныя агульнымі каштоўнасцямі і гістарычным сяброўствам. "Гэта стратэгічная сувязь, якую я, перакананая, мы зараз узмоцнім яшчэ больш", – заявіла Мелоні.
Літоўскі прэзідэнт Гітанас Наўседа ў сваім прывітанні Трампу адзначыў, што ЗША - ключавы стратэгічны хаўруснік для Літвы.
"Літва зараз выдзяляе на абарону 3,5% ВУП і працягне павялічваць свае інвестыцыі. Трансатлантычнае адзінства надзвычай важнае", - падкрэсліў Науседа.
Прэзідэнт Латвіі Эдгарс Рынкевічс павіншаваў Трампа як абранага прэзідэнта і адзначыў, што чакае супрацоўніцтва для ўзмацнення двухбаковых дачыненняў і стратэгічнага партнёрства.
"Еўропе патрэбныя моцныя ЗША, а ЗША - моцная Еўропа. Латвія ёсць і будзе моцным і надзейным партнёрам Злучаных Штатаў", - адзначыў ён.
Да віншаванняў далучыўся і генеральны сакратар NATO Марк Рутэ, ён напісаў, што толькі што павіншаваў Дональда Трампа з абраннем.
"Яго лідарства зноў будзе мець ключавую ролю для таго, каб захоўваць наш Альянс моцным. Чакаю зноў працаваць з ім для прасоўвання міру праз моц у NATO", - напісаў Рутэ.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
