Дзве брытанкі даведаліся, што іх пераблыталі ў радзільні, праз 57 гадоў

Гэта выявілася праз калядны падарунак.

Дзве жанчыны ў Вялікай Брытаніі даведаліся праз 57 гадоў, што іх пераблыталі ў радзільні і яны ўсё жыццё жылі не з роднымі бацькамі. Памылка выявілася дзякуючы каляднаму падарунку, піша BBC.

Жанчыны нарадзіліся ў 1967 годзе ў радзільні ў Мідлендсе, але праўда пра іх паходжанне пачала праясняцца пасля таго, як у 2021 годзе мужчыну з імем Тоні падарылі на Каляды ДНК-тэст. Ён яго прайшоў і даведаўся, што ў яго ёсць сястра, але гэта зусім не Джэсіка, з якой ён вырас, а незнаёмая яму жанчына Клэр.

Звесткі Клэр таксама былі ў гэтай базе, таму што за некалькі гадоў да гэтага яна таксама здавала ДНК-тэст і высветліла, што бацькі ёй не родныя.

У выніку Тоні і Клэр звязаліся і прыйшлі да высновы, што Джэсіку і Клэр пераблыталі пры нараджэнні, таму што яны нарадзіліся ў адной і той жа лякарні прыкладна ў адзін і той жа час.

Пасля гэтага Клэр сустрэлася са сваімі сапраўднымі мамай і татам. Паводле ейных словаў, яна проста хацела паглядзець, як яны выглядаюць і паразмаўляць. Высветлілася, што яны жывуць у вёсцы, якую яна часта праязджала па дарозе на працу.

Клэр прызналася, што ўбачыўшы сваю сапраўдную маму, адразу заўважыла, што яны вельмі падобныя, у іх былі аднолькавыя вочы. Маці таксама сказала ёй, што бачыць падабенства: Клэр нагадала ёй сябе ў маладосці. Жанчыны адразу сталі блізкія і імкнуцца праводзіць больш часу разам, хоць і прызнаюць, што гады ўжо не вярнуць.

Тым часам Джэсіка больш не называе «мамай» жанчыну, якая яе выгадавала, хоць тая ў сваю чаргу заявіла, што заўсёды будзе ўважаць яе за сваю другую дачку.

Клэр пастанавіла спагнаць з радзільні кампенсацыю за гэтую памылку, паколькі высветлілася, што яна на самай справе на адзін дзень старэйшая, а ўвесь гэты час у яе былі няправільныя дакументы. У радзільні прызналі, што інцыдэнт быў «жахлівай памылкай» і пагадзіліся пакрыць шкоду, памер цяпер вызначаюць спецыялісты службы аховы здароўя, якія курыруюць гэтую лякарню.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]