Foreign Affairs: Украінская зброя можа «дастаць» блізу трэці ядзернага арсеналу Расеі

Асабліва ўразлівыя ядзерныя ракеты РФ.

Дальнабойныя дроны і ракеты, якія ёсць ва Украіны, могуць атакаваць вялікую колькасць ядзерных складоў Расеі. У «ненадзейным становішчы» блізу траціны ядзернага арсеналу краіны-агрэсаркі.

Пра гэта паведамляе Foreign Affairs.

Паводле звестак выдання, блізу 30 адсоткаў з прыкладна 5580 расейскіх ядзерных боегаловак захоўваюцца ў тых месцах, да якіх дастае ўкраінская дальнабойная зброя.

Журналісты звярнулі ўвагу, што, паколькі ўкраінскія дроны ўжо дастаюць да Масквы, то ў радыусе іх дзеяння таксама знаходзіцца сама меней 14 расейскіх ядзерных сховішчаў. Сярод іх:

прынамсі два знаходзяцца на адлегласці меншай за 160 кіламетраў ад мяжы з Украінай;

яшчэ пяць знаходзяцца на адлегласці меншай за 320 кіламетраў ад мяжы з Украінай.

Foreign Affairs адзначае, што нежаданне Расеі належным чынам засцерагчы свае ядзерныя арсеналы ў заходняй частцы краіны «ўяўляе з сябе страшную небяспеку».

Як мяркуюць журналісты, Расея можа адмаўляцца ад перамяшчэння свайго ядзернага арсеналу далей ад мяжы з некалькіх прычынаў. Адна з іх – нежаданне расейскага дыктатара Уладзіміра Пуціна паказваць слабасць, а другая – неўсведамленне расейскім кіраўніцтвам ўсёй небяспекі такога захоўвання боегаловак.

Асабліва ўразлівыя ядзерныя ракеты, калі іх перавозяць для абслугоўвання. Іх накіроўваюць на чыгуначныя пункты.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]