Канстытуцыйны суд Румыніі загадаў пералічыць галасы на выбарах прэзідэнта

Першы тур могуць зусім скасаваць.

У чацвер Канстытуцыйны суд аднагалосна пастанавіў звярнуцца да Цэнтральнай выбарчай камісіі з просьбай пералічыць усе сапраўдныя і несапраўдныя бюлетэні ў першым туры прэзідэнцкіх выбараў.

Пастанова апублікаваная на сайце суда, паведамляе «Еўрапейская праўда».

Пастанова была прынятая ў канцы двухгадзіннага пасяджэння па скарзе кандыдата ў прэзідэнты Крысціяна Тэрхеса, які абвінаваціў ЦВК у фальсіфікацыях у дачыненні да галасоў іншага кандыдата Элены Ласконі.

Скарга, пададзеная кандыдатам Себасцьянам Папеску наконт махлярства, учыненага кандыдатам Кэлінам Джарджэску, была адхіленая.

Суд таксама звярнуўся да ЦВК з просьбай прадставіць вынікі паўторнага пераліку галасоў.

Новае пасяджэнне Канстытуцыйнага суда адбудзецца ў пятніцу, 29 лістапада, каб прыняць пастанову паводле патрабавання аб скасаванні першага тура прэзідэнцкіх выбараў, пададзенага кандыдатам ад Нацыянал-кансерватыўнай партыі Румыніі Крысціянам Тэрхесам.

Усе пастановы Канстытуцыйнага суда з'яўляюцца канчатковымі.

Старшыня Пастаяннага выбарчага органа Тоні Грэблэ ў жывым эфіры тэлеканала Digi 24 заявіў, што пералік галасоў можа быць праведзены пры наяўнасці важкіх довадаў. Ён падкрэсліў, што пераліку падлягаюць больш за 9 мільёнаў бюлетэняў, якія зараз знаходзяцца ў архівах акруговых судоў, і працэдура паўторнага падліку галасоў не можа быць праведзеная за некалькі гадзін або дзён.

Румынскае заканадаўства прадугледжвае, што ў выпадку анулявання Канстытуцыйным судом выніку выбараў паўторнае галасаванне праводзіцца ў другую нядзелю пасля даты анулявання.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]