Ганьба С-400: як расейская СПА адрэагавала на ўдар ATACMS

Хвалены комплекс паспеў выпусціць толькі дзве ракеты.

Расейская сістэма СПА "С-400", якую Масква называе "найлепшай у свеце", так і не змагла даць рады ўдарам ракет ATACMS па аэрадроме Курск-Усходні. На апублікаваных кадрах С-400 бездапаможна выпускае ў неба ракеты, якія даюць пудла і ляцяць міма цэлі.

Украінскія GEOINT-аналітыкі праекта «Киберборошно» апублікавалі відэаматэрыялы, якія пацвярджаюць удар па аэрадроме Курск-Усходні і сістэме супрацьпаветранай абароны "С-400".

На відэа бачна, што, акрамя самога аэрадрома, удары былі нанесеныя і па пазіцыі С-400, якая спрабавала перахапіць балістычныя ракеты ATACMS. Сістэма паспела выпусціць сама меней дзве ракеты, аднак яны не змаглі прадухіліць напад. У выніку пазіцыя С-400 была разбітая двума ракетамі з касетнай баявой часткай. Аналітыкі вызначылі геалакацыю ўдару па сістэме СПА.

Са звестак Киберборошно, падчас нападаў па аэрадроме і яго наваколлям было выпушчана не меней як пяць ракет ATACMS мадыфікацыі M39 з касетнай баявой часткай. Атака на Курск-Усходні і пазіцыю С-400 дэманструе ўразлівасць расейскіх сістэм СПА перад сучаснымі заходнімі балістычнымі ракетамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]