Расея ўдарыла рэкорднай колькасцю дронаў па Украіне

188 БПЛА.

Расейскія вайскоўцы ўночы 26 лістапада ўдарылі па Украіне 188 дронамі і чатырма балістычнымі ракетамі, паведамляюць Паветраныя Сілы УС Украіны.

“Уночы 26 лістапада акупанты атакавалі Украіну балістычнымі ракетамі "Іскандэр-М" з Варонежскай і Курскай абласцей. Падчас начнога нападу вораг выпусціў рэкордную колькасць ударных БПЛА тыпу Shahed і беспілотнікаў неўсталяванага тыпу”, - гаворыцца ў паведамленні.

Для адбіцця нападу прыцягвалася авіяцыя, зэнітна-ракетныя падраздзяленні, сродкі радыёэлектроннай барацьбы і мабільныя агнявыя групы ўкраінскіх вайскоўцаў. Войска Украіны змагло збіць 76 дронаў над 16 абласцямі краіны.

“95 БПЛА былі лакацыйна страчаныя, меркавана праз актыўнае супрацьдзеяння РЭБ Сіл абароны, пяць беспілотнікаў паляцелі ў бок Беларусі. На жаль, ёсць траплянні ў аб'екты крытычнай інфраструктуры. Папярэдне абышлося без ахвяр і пацярпелых”, - адзначылі ў Паветраных сілах.

Там дадалі, што ў выніку ўдару ў некалькіх рэгіёнах пашкоджаны прыватныя і шматкватэрныя дамы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]