Улады Пакістана абмежавалі мабільную сувязь ды інтэрнэт у краіне

СМІ назвалі прычыну.

У Пакістане прыпынілі выкананне паслуг мабільнай сувязі і інтэрнэту “ў раёнах, дзе існуюць праблемы з бяспекай”. Улады асцерагаюцца акцыі пратэсту ў падтрымку былога прэм'ера, які цяпер у турме.

Пра гэта паведамляе Associated Press.

Урад і Міністэрства ўнутраных спраў краіны апублікавалі адпаведную аб'яву ў сацсетцы Х, якая забароненая ў Пакістане. Улады не ўдакладнілі і не паведамілі, як доўга будзе дзейнічаць прыпыненне.

"Інтэрнэт і мабільная сувязь будуць працаваць у звычайным рэжыме на астатняй тэрыторыі", - гаворыцца ў паведамленнях.

Тым часам тэлекамунікацыйная кампанія Nayatel разаслала электронныя лісты, прапаноўваючы кліентам "надзейную паслугу стацыянарнай сувязі" ў якасці абыходнага шляху ў раёнах, дзе прыпыненая праца мабільнай сувязі.

Выданне піша, што былы прэм'ер-міністр Пакістана Імран Хан знаходзіцца ў турме ўжо больш за год. Супраць яго распачата больш за 150 крымінальных спраў. Ён застаецца папулярным, а яго палітычная партыя Pakistan Tehreek-e-Insaf ці ж скарочана PTI сцвярджае, што гэтыя справы палітычна матываваныя.

Прыхільнікі палітыкаактыўна выкарыстоўваюць сацсеткі, патрабуючы яго вызвалення, і выкарыстоўваюць платформы такія як WhatsApp, для абмену інфармацыяй, уключаючы падрабязнасці падзей.

Вядома, што Пакістан ужо ачапіў сталіцу Ісламабад грузавымі кантэйнерамі і перакрыў асноўныя дарогі і аўтамагістралі, якія злучаюць горад з апорнымі пунктамі PTI ў правінцыях Пенджаб і Хаўбер-Пантунхва.

Прадстаўнік PTI Шэйх Вакас Акрам паведаміў, што жонка Хана Бушра Бібі накіроўвалася ў Ісламабад у складзе калоны на чале з галоўным міністрам правінцыі Хайбер-Пантунхва Алі Амін Гандапурам.

"Яна не можа кінуць партыйных работнікаў на волю лёсу", - сказаў ён.

Ва ўсходнім горадзе Лахор паліцыя арыштавала чальцоў PTI, пакуль мінакі прабіраліся скрозь загароды. У Пешавары тым часам быў святочны настрой: чальцы PTI танчылі, барабанілі і трымалі фатаграфіі Хана, калі аўтамабілі адпраўляліся ў Ісламабад.

Амбасада ЗША ў сваю чаргу выпусціла папярэджанне аб бяспецы для амерыканцаў у сталіцы, заклікаўшы іх пазбягаць вялікіх сходаў і папярэдзіўшы, што нават «мірныя сходы могуць перарасці ў гвалт».

AP піша, што ў мінулым месяцы ўлады таксама прыпынілі працу мабільнай сувязі ў Ісламабадзе і Равалпіндзі, каб перашкодзіць правядзенню мітынгу ў падтрымку Хана. Адключэнне парушыла сувязь і паўплывала на паўсядзённыя паслугі, такія як банкаўскія аперацыі, замову таксі і дастаўку ежы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]