Вялікабрытанія шукае перамоўніка з Еўразвязам

Ён будзе працаваць у якасці дарадцы прэм'ера.

Брытанскі ўрад шукае перамоўніка, якія будзе ўзначальваць намаганні прэм'ера Кіра Стармера для “перазагрузкі" стасункаў з ЕЗ. У Інтэрнэце Лондан апублікаваў вакансію на пасаду высокапастаўленага чыноўніка, які б працаваў у якасці дарадцы Стармера ў гандлі, міграцыі, эканоміцы і міжнародных пытаннях, звязаных з Еўразвязам, паведамляе Politico.

Пасада будзе прадугледжваць выкананне ролі прадстаўніка прэм'ера на перамовах з ЕЗ і вядзенне дыялогу з Брусэлем наконт Пагаднення аб супрацоўніцтве ў сферы бяспекі. Таксама чыноўнік будзе працаваць з існымі пагадненнямі аб Brexit і будучымі зменамі ў правілах уезду ў ЕЗ. Яны накіраваныя на аблічбоўванне ўезду ў Еўразвяз і ўвядзенне платы для брытанцаў з наступнага года.

Пра пастанову прызначыць новага ўдзельніка перамоў абвясцілі пасля таго, як Стармер наведаў Брусэль у мінулым месяцы, дзе сустрэўся з прэзідэнткай Еўрапейскай камісіі Урсулай фон дэр Ляен. Яны дамовіліся ўмацаваць сувязі Брытаніі і ЕЗ у розных галінах.

Нагадаем, пасля перамогі на выбарах у ліпені Стармер паабяцаў палепшыць сувязі Лондана з краінамі-чальцамі ЕЗ пасля Brexit. Аднак пра вяртанне Брытаніі ў Еўразвяз гаворка не ідзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]