Ліхтэнштэйн уводзіць санкцыі супраць рэжыму Лукашэнкі

Каб закрыць шчыліну для абыходу антырасейскіх санкцый.

Ліхтэнштэйн пашырыў санкцыі ў дачыненні да беларускіх уладаў і прывёў іх у адпаведнасць з апошнім пакетам санкцый ЕЗ, прынятым 29 чэрвеня 2024 года, а таксама сінхранізаваў з абмежаваннямі, уведзенымі супраць Расеі. Пра гэта паведамляецца на сайце ўрада Ліхтэнштэйна.

Пастанову аб пашырэнні абмежаванняў (фінансавых, таварных і гандлёвых) урад краіны прыняў 19 лістапада 2024 года. Гэта зроблена для таго, каб не дапусціць абыходу санкцый супраць Расеі праз Беларусь.

Сярод ключавых элементаў санкцый - забарона на экспарт у Беларусь тавараў і тэхналогій двайнога прызначэння, тавараў марскога суднаходства, прадметаў раскошы. Таксама забаронены імпарт золата, алмазаў, гелію, вугалю, нафты (у тым ліку сырой) з Беларусі. Уведзеная забарона на наданне пэўных паслуг, пашыраныя абмежаванні ў сферы аўтамабільных перавозак грузаў па тэрыторыі Еўразвязу.

Акрамя таго, эканамічных аператараў ЕЗ абавязалі прапісваць у будучыя кантракты пункт аб забароне рээкспарту ў Беларусь.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]