На Камароўцы зноў з'явіліся грыбы

Перад надыходам зімы.

Камароўскі рынак у Менску ў сярэдзіне лістапада парадаваў пакупнікоў грыбамі. З-за цёплага верасня грыбны сезон быў змазаны, а цяпер, калі дзённая тэмпература паветра апусцілася ніжэй за 10 градусаў, у продажы з'явіліся апенькі, падзялёнкі і іншыя грыбы, піша Smartpress.by.

Кошт трохлітровага вядзерца маладых апенек - 15 рублёў, пяцілітровага - 25 рублёў, дзесяцілітровага - 40-45 рублёў. Прадаўцы расказваюць, што самі прыемна здзіўлены няхай позняму, але ўсё ж распачатаму сезону грыбоў.

- Толькі пачаліся - і вось-вось скончацца, зіма ж на носе. Ужо падмярзае ў лесе, — расказваюць яны. - Так што калі хто плануе нарыхтаваць грыбы, замарозіць ці проста паласавацца - зараз самы час.

Грыбы прадаюцца ў вёдрах на рынку і за яго межамі (з рук, паміж уваходам у метро і Камароўкай). Апенькі можна купіць як аб'ёмам (вядром), так і на вагу 1 кг каштуе 15-20 рублёў.

Акрамя восеньскіх апенек, у продажы можна знайсці лісічкі, махавікі, маслякі. Усе яны прыкладна адным коштам - па 15 рублёў за 1 кг.

З усесезонных грыбоў, якім мала страшныя капрызы надвор'я, на Камароўскім рынку ў гэтыя дні можна знайсці шэрыя вешанкі і прыгожыя белыя шампіньёны. Каштуюць яны танней - ад 6 да 10 рублёў за 1 кг.

А аматарам экзотыкі можна звярнуць увагу на грыбы эрынгі і энокі — па 35 рублёў за 1 кг. Яны лічацца дыетычнымі і часта выкарыстоўвааюцца ў стравах азіяцкай кухні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]