Украіна атрымае крылатыя і балістычныя ракеты ўласнай вытворчасці

Ужо ў 2025 годзе.

Украінскія дзяржаўныя і прыватныя прадпрыемствы працуюць над стварэннем уласных крылатых і балістычных ракетаў, якія могуць з'явіцца ва ўкраінскіх Сілаў абароны ўжо налета.

Такі прагноз зрабіў дырэктар Дзяржаўнага прадпрыемства «Спецтэхнаэкспарт» Аляксей Пятроў. Ён адзначыў, што развіццём у гэтай сферы займаюцца як дзяржава, так і прыватны сектар, які цяпер таксама можа ўдзельнічаць у ракетнай прамысловасці. Пятроў назваў важным крокам развіццё ўласнай вытворчасці.

«Я скажу, што і дзяржава, і, нарэшце, прыватны сектар рухаюцца ў гэтым кірунку. І гэта была разумная пастанова зняць манаполію на ракетную прамысловасць. Таму я думаю, што ў нас усё ж такі будуць свае ракеты, скажам, крылатыя і балістычныя, да сярэдзіны 2025 года», – сказаў Аляксей Пятроў.

Паводле словаў дырэктара «Спецтэхнаэкспарту», ва Украіне вырабляюцца 155-мм снарады паводле стандартаў NATO, здольныя дзейнічаць на эфектыўнай дыстанцыі для барацьбы з ворагам.

Акрамя таго, украінскія дзяржаўныя прадпрыемствы імкнуцца аднавіць ці пашырыць выпуск боепрыпасаў савецкага стандарту, ад якіх пакуль не ўдалося цалкам адмовіцца. Паводле словаў Пятрова, вельмі патрэбныя снарады калібраў 152-мм і 122-мм, якія цяпер у дэфіцыце, бо актыўна выкарыстоўваюцца ў абарончых дзеяннях.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]