Недалёка ад Нацыянальнай бібліятэкі зносяць жылыя дамы

Пад знос пойдуць 67 дамоў.

«Менскбуд» пачаў знос старых дамоў у квартале вуліцаў Філімонава – Сляпянская водная сістэма – Сталетава. Гэта ўжо другая чарга.

На гэтым месцы збіраюцца будаваць новы жылы квартал. Таму па 2-м завулку Баграціёна ў найбліжэйшы час знікнуць чатыры двухпавярхоўкі, якія былі ўзведзеныя ў 1958–1960 гадах. Жыхары гэтых дамоў ужо адселеныя.

Забудоўнік паведаміў, што знос двухпавярховак закончыцца ў снежні. Да канца года з пляцоўкі павінны вывезці і будаўнічае смецце.

Узводзіць новы квартал недалёка ад Нацыянальнай бібліятэкі пачалі яшчэ ў пачатку 2024 года. Да гэтага цягам некалькіх месяцаў ішоў знос будынкаў. Першай здадуць 19-павярхоўку, куды і збіраюцца засяліць жыхароў старых дамоў. Там будзе 188 кватэраў.

Усяго ў новым квартале з'явяцца 12 жылых дамоў на 2413 кватэраў агульнай плошчай 148 тыс. м2.

У «Менскбуд» удакладнілі, што ўсе кватэры там прызначаныя для грамадзянаў, якія маюць патрэбу ў паляпшэнні жыллёвых умоваў.

Усяго ж у гэтым раёне знясуць 67 дамоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]