Лукашэнка пазбавіў вайсковых і спецыяльных званняў 21 чалавека

Дыктатару не дае спакою рэвалюцыя 2020 года.

Аляксандр Лукашэнка падпісаў указ «Аб пазбаўленні воінскіх і спецыяльных званняў», паведамляе ягоная прэс-служба.

Былыя вайскоўцы і супрацоўнікі розных сілавых установаў (асобы кіраўнічага складу) пазбаўленыя воінскіх і спецыяльных званняў.

«У перыяд абвастрэння грамадска-палітычнага становішча ў 2020 годзе яны здзейснілі супрацьпраўныя дзеянні, якія не сумяшчальныя са статусам вайскоўца. У сувязі з гэтым кіраўнікі сілавых установаў у вызначаным парадку ініцыявалі перад «кіраўніком дзяржавы» пытанне аб пазбаўленні гэтых асобаў вайсковых і спецыяльных званняў», – гаворыцца ў паведамленні.

Усяго званняў быў пазбаўлены 21 чалавек. Іх прозвішчы не апублікаваныя, як і тэкст указа.

Нагадаем, практыка масавага пазбаўлення званняў нязгодных з палітыкай Лукашэнкі пачалася ў траўні 2021 года. У першым такім указе фігуравалі 80 прозвішчаў. Пасля такія ўказы сталі з'яўляцца рэгулярна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]