Зяленскі паказаў удары расейцаў па жылым раёне ў Адэсе

Восем чалавек загінулі.

Прэзідэнт Украіны Уладзімір Зяленскі адрэагаваў на расейскі ракетны ўдар па жылым раёне Адэсы.

“Удар расейскіх тэрарыстаў балістыкай па Адэсе, па жылым раёне. Прылёт на паркоўку”, - напісаў кіраўнік украінскай дзяржавы ў Telegram.

Паводле ягоных звестак, у выніку атакі пашкоджаны шматкватэрны дом, універсітэт і адміністрацыйны будынак.

Зяленскі адзначыў, што зараз вядома пра восем загінулых, яшчэ амаль два дзясяткі чалавек пацярпелі. Прыцягнуты ўсе неабходныя сілы, каб дапамагчы ўсім, хто мае ў гэтым патрэбу.

“Гэта не выпадковыя ўдары - гэта паказальныя ўдары. Пасля званкоў і сустрэч з (расейскім дыктатарам Уладзімірам — рэд.) Пуціным, пасля ўсіх хлуслівых плётак у медыя пра нібыта „ўстрыманне“ ад удараў. Расея паказвае, што яе цікавіць напраўду: толькі вайна. І гэты сігнал варта пачуць ва ўсіх частках свету, ад залаў, дзе сустракаюцца чальцы Групы дваццаці, да ўсіх сталіц свету”, - адзначыў прэзідэнт Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]