Беларускіх кіроўцаў чакае цэлы шэраг змен

З 2025 года.

У Беларусі ў 2025 годзе маюць намер увесці адразу некалькі змен для кіроўцаў. «Зеркало» склала падборку магчымых навін для аўтамабілістаў.

Падаткі за аўто могуць вырасці

Транспартны падатак у 2025 годзе хочуць узняць для насельніцтва ў сярэднім на 6,1%. Да прыкладу, за аўтамабіль з дазволенай максімальнай масай да 1,5 тоны зараз трэба плаціць 66 рублёў на год, а хочуць падняць да 70 рублёў.

Транспартны падатак таксама хочуць падвысіць і для арганізацый.

Сума транспартнага падатку залежыць ад дазволенай максімальнай масы, умяшчальнасці або прапісаная за адну адзінку транспартнага сродку. Калі звестак аб дазволенай максімальнай масе няма, падатак разлічваецца з мінімальнай стаўкі для адпаведнага тыпу транспартнага сродку.

Прапанова для люксавых аўто

Яшчэ адная з магчымых навін тычыцца аўтамабіляў падвышанай камфортнасці гэта некаторыя мадэлі Audi, Bentley, BMW, Toyota і іншых вытворцаў. Для такіх аўто сёлета ўвялі дзесяціразовы падатак (у параўнанні са стандартным). Але ёсць умова: зараз збор бяруць з аўтамабіляў не старэйшых за тры гады.

Цяпер чыноўнікі хочуць прыбраць гэты ўзрост транспарту. Замест яго ўрад, як плануецца, павінен будзе ўсталяваць іншую колькасць гадоў.

Жадаюць перагледзець спіс ільготнікаў транспартнага падатку

Чыноўнікі маюць намер вызваліць некаторых уладальнікаў транспарту ад выплаты падатку. Размова аб вайскоўцах тэрміновай вайсковай службы, а таксама тых, хто праходзіць альтэрнатыўную службу.

Нагадаем, у транспартным падатку зараз ёсць ільготы для некаторых катэгорый насельніцтва. Напрыклад, зніжка 50 працэнтаў прадугледжаная не толькі для ветэранаў ВАВ, інвалідаў I або II групы і пенсіянераў, але таксама ветэранаў баявых дзеянняў на тэрыторыі іншых дзяржаў і шматдзетных сем'яў.

Якія яшчэ аўтамабілі могуць вывесці з-пад гэтага падатку?

Улады таксама жадаюць пашырыць спіс выпадкаў, калі не налічваецца падатак за транспарт. Цяпер гэта тычыцца сітуацый, калі аўтамабіль знялі з уліку ў ДАІ.

У 2025 годзе гэты пералік хочуць пашырыць. Так, могуць з'явіцца новыя прычыны для таго, каб не плаціць падатак, калі транспарт:

вярнулі ў даход дзяржавы паводле пастановы кампетэнтнага дзяржоргана (і гэты вердыкт набыў моц);

спыніў існаванне (напрыклад, быў знішчаны або з часам прыйшоў у такі стан, пры якім яго нельга выкарыстоўваць).

Тое, што транспарт перастаў існаваць, трэба пацвердзіць падаткавікам - падаць дакументы. Прычым зрабіць гэта можна ў кожнай падатковай інспекцыі, не абавязкова па месцы жыхарства. Калі тлумачэнні прымуць, то збор перастануць налічваць з наступнага месяца ў дачыненні да таго, у якім транспартны сродак спыніў існаванне.

Магчымая навіна для тых, хто на аўто выязджае за мяжу

Чыноўнікі таксама хочуць дазволіць абласным парадам “дэпутатаў” на сталай аснове ўводзіць мясцовы збор за перасячэнне транспартнымі сродкамі дзяржаўнай мяжы. Цяпер гэты падатак дзейнічае як часовая мера, мясцовыя ўлады павінны прымаць пастанову, падаўжаць яе дзеянне ці не.

Гэты збор увялі ў 2021 годзе. Ён дзейнічае ў трох абласцях - Берасцейскай, Віцебскай і Гарадзенскай. Яго трэба плаціць пры выездзе ў краіны ЕЗ, а ў Расею - не. Суму збору ўстанаўліваюць абласныя парады “дэпутатаў”, ён складае адну базавую велічыню (на сёння гэта 40 рублёў).

У Дзяржаўным памежным камітэце раней заяўлялі, што гэты збор "накіраваны на барацьбу з каранавіруснай інфекцыяй". І хаця яе пік даўно прайшоў, гэты збор усё роўна працягвае дзейнічаць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]