Гомельскія аграрыі падставілі МТЗ
6- 18.11.2024, 12:23
- 4,942
Цяпер прадпрыемства звярнулася да мясцовых улад.
Генеральны дырэктар "Мінскага трактарнага завода" Сяргей Аўраменка звярнуўся да старшыні Гомельскага аблвыканкама Івана Крупкі з просьбай закласці ў абласны бюджэт на 2025 год дадатковы артыкул выдаткаў. Гэта звязана з тым, што сельгаспрадпрыемствы рэгіёна не заплацілі заводу за пастаўленыя трактары. Інфармацыю пра гэта “Флагштоку” прадставіў Belpol.
Ліст МТЗ адправіў у аблвыканкам у пачатку кастрычніка. Як піша гендырэктар завода, прадпрыемства паставіла ў снежні 2023 года - лютым 2024 года неплатаздольным гаспадаркам Гомельскай вобласці 243 трактары "Беларус" на агульную суму 25 млн 265 рублёў.
Прычым, пастаўка ажыццяўлялася на льготных умовах - без першапачатковага ўзносу з растэрміноўкай плацяжу на 24 месяцы. Але нават такія ўмовы гаспадаркі Гомельскай вобласці выканаць не змаглі.
Як піша гендырэктар завода, згодна з умовамі ўкладзеных кантрактаў, штомесяц на разліковы рахунак МТЗ павінна было паступаць 1 млн 024 тысяч рублёў. На 01.10.2024 г. агульная сума дэбіторскай запазычанасці за пастаўленыя трактары "Беларус" складала 21 млн 320 тыс. руб., у тым ліку сума 5 млн 260 тыс. руб. з'яўляецца пратэрмінаванай дэбіторскай запазычанасцю.
"У працяг узаемавыгаднага супрацоўніцтва, прашу разгледзець магчымасць выплаты пратэрмінаванай дэбіторскай запазычанасці неплатаздольных прадпрыемстваў вобласці сумай 5 млн 260 тысяч рублёў і аплаты за іх чарговых плацяжоў IV квартале 2024 года ў суме 2 млн 201 тысяч рублёў за кошт пераразмеркавання бюджэтных сродкаў 2024 года" звярнуўся Аўраменка да старшыні аблвыканкама.
Таксама ён папрасіў Крупку "для недапушчэння ўтварэння пратэрмінаванай дэбіторскай запазычанасці за пастаўленыя трактары" па плацяжах наступнага года прадугледзець у бюджэце 2025 года для гэтых мэт суму сумай 9 млн 561 тыс. рублёў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
