У Беларусі ўсё часцей рэпрэсуюць жыхароў рэгіёнаў

Асабліва ў Гомельскай вобласці.

Пад рэпрэсіі ў Беларусі ўсё больш сталі пападаць жыхары рэгіёнаў. Ад пачатку восені адміністрацыйныя суды там праходзяць часцей, чым у Менску, паведамляе праваабарончы цэнтр «Вясна».

Самым рэпрэсіўным рэгіёнам на гэтую восень з'яўляецца Гомельская вобласць - паводле адміністрацыйных спраў там асудзілі не менш як 337 чалавек. Толькі ў Рэчыцы адміністрацыйныя справы атрымалі не менш як 98 чалавек.

На другім месцы Берасцейская вобласць. Там прайшло як мінімум 278 палітычных судовых працэсаў, большая частка з іх была ў Берасці. Прычым менавіта ў гэтым горадзе судзілі тых, каго затрымалі на мяжы па вяртанні ў Беларусь. Сілавікі актыўна пераследавалі і жыхароў Баранавічаў - 56 выпадкаў.

Таксама масавыя суды прайшлі ў Барысаве, Ваўкавыску, Глыбокім, Добрушы, Жлобіне, Лепелі, Мазыры, Наваполацку, Воршы, Пінску і іншых гарадах, паведамляюць праваабаронцы. Усяго за апошнія два з паловай месяцы яны зафіксавалі 1 452 выпадкі рэпрэсій (арышты, ператрусы, адміністрацыйныя суды і г.д.).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]