У Менску працуе святлафор, які раздае парады
4- 17.11.2024, 10:39
- 4,986
Некаторым удзельнікам руху гэта моцна перашкаджае.
Блогер Какабай паказаў першы ў Менску святлафор, які раздае парады. Усталяваны ён на скрыжаванні вуліц Якуба Коласа і Веры Харужай.
Святлафор нагадвае пешаходам, самакатчыкам і раварыстам, як сябе паводзіць. Сярод яго рэкамендацый, напрыклад, наступныя:
- Паважаныя раварысты і карыстальнікі персанальных мабільных прылад! Перасякаць праезную частку трэба з хуткасцю пешахода.
Гэты святлафор ужо выклікаў хвалю абурэння ў TikTok у жніўні гэтага года. Жанчына, якая жыве ў суседнім доме, паскардзілася, што занадта разумны святлафор нават уначы раздае парады. І наўрад ці нехта захоча прачынацца ад гучнага голасу: «Калі пераходзіш дарогу, трымай дзіця за руку».
@kokobyy Это первый говорящий светофор, который даёт полезные советы из ПДД! Такой бы в рестораны: мойте руки перед едой, не чавкайте, пиццу и суши не ешьте вилкой, не просите дожарить тартар
♬ оригинальный звук - Кокобай
У каментарах адна дзяўчына падзялілася, як ледзь не трапіла ў бяду праз гэты «клапатлівы» святлафор: «Я сёння ехала на ровары, спынілася на святлафоры, і голас з нябёсаў як закрычыць: «Не спыняйся!». Я ледзь на чырвоны не ірванула! Ровар выпусціла на праезнай частцы пры пераходзе дарогі! Ледзь заікай не стала. Жах».
Так што ведайце, чаго чакаць на скрыжаванні вуліц Якуба Коласа і Веры Харужай - і не палохайцеся калі што.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
