Дроны атакавалі завод па вытворчасці ЗРК «Тор» у расейскім Іжэўску

Беспілотнікі даляцелі да сталіцы Удмуртыі.

Дроны атакавалі электрамеханічны завод «Купал» у расейскім Іжэўску. Там вырабляюць ЗРК «Тор» і РЛС.

Пра гэта паведаміў кіраўнік Цэнтра супрацьдзеяння дэзінфармацыі пры РНБА Андрэй Каваленка ў Telegram.

У мясцовых пабліках у ноч на 17 лістапада паведамілі аб выбухах у Іжэўску. Таксама мясцовыя жыхары публікавалі кадры выбухаў і магчымага траплення ў прадпрыемства.

Са слоў кіраўніка ЦПД, пад удар трапіў Іжэўскі электрамеханічны завод «Купал».

Каваленка адзначае, што расейскі завод вырабляе зенітна-ракетныя комплексы «Тор», радыёлакацыйныя станцыі і іншыя кампаненты.

Дадамо, што горад Іжэўск - гэта сталіца расейскай Удмуртыі ў цэнтральнай частцы РФ. Горад вядомы дзякуючы вайсковай, машынабудаўнічай і металургічнай прамысловасці. Там вырабляюць аўтамат АК-47.

Вядома, што завод «Купал» - гэта адно з найбуйнейшых абаронных прадпрыемстваў у Расеі. Акрамя ЗРК «Тор» там таксама вырабляюць трэніровачныя мішэні (комплексы «Саман-М1» і «Ад'ютант»). Таксама завод займаецца вытворчасцю гіраскопаў, нанакампазітаў, абсталявання для атамных электрастанцый, нафтаздабычы, канвеерных ліній лікёра-гарэлачных заводаў.

У верасні 2024 года паведамлялася, што на заводзе «Купал» пачалі вытворчасць новага ўдарнага беспілотніка далёкага радыусу дзеяння «Гарпія-А1». Дрон вырабляюць на базе кітайскага рухавіка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]