Беларус паказаў лайфхак, як ездзіць у пустым тралейбусе, і ўразіў сацсеткі

Уся справа ў яго вопратцы.

Мянчук выклаў у TikTok ролік, у якім паказаў, як дзякуючы аднаму прадмету гардэроба напалохаць пасажыраў грамадскага транспарту. Некаторыя каментатары ацанілі лайфхак, але іншыя просяць мужчыну так не рабіць, адзначае «Зеркало».

"Не разумею, чаго людзі пры маім набліжэнні бягуць з траліка (тралейбуса. - Заўв. рэд.)?" - задаўся пытаннем жыхар Менска.

Выявілася, што ўся справа ў яго цёмна-сіняй камізэльцы, вельмі падобнай на форменнае экіпіяванне кантралёраў грамадскага транспарту. Убачыўшы гэтае вядомае адзенне, пасажыры імкнуцца пазбегнуць сустрэчы з кантралёрам .

Некаторыя карыстальнікі ацанілі гэты "лайфхак на вольны аўтобус" і нават параілі аўтару роліка "наляпіць бэйдж". Але іншыя ці то жартам, ці то сур'ёзна абурыліся: сярод самых папулярных каментароў - "Хутка зняў" і "Пайшоў пераапрануўся".

"Я кожны раз ад гэтых камізэльак кідаюся, навошта людзей палохаць!"

"Як жа гэта жорстка".

"Я так з-за дзеда ў камізэльцы ледзь інфаркт не злавіў, выдыхнуў, а за ім быў кантралёр. Я памёр".

"О, у майго мужа сіняя жылетка і замок на грудзях, я памятаю, надзела яе і камеру тэлефона падставіла туды. Людзей, якія выходзілі і выглядалі было вельмі шмат, усе з прыпынку кідаліся".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]