У Калінкавічах супрацоўніца ювелірнай майстэрні скрала больш за кілаграм золата

За сем год працы.

Прыёмшчыца заказаў ювелірнай майстэрні за сем гадоў работы змагла вынесці адтуль больш за кілаграм золата. Нядаўна над ёй прайшоў суд, перадае БелТА.

60-гадовую жанчыну абвінавацілі ў прысваенні і растраце даручанай маёмасці ў асабліва вялікай суме.

Паводле звестак пракуратуры, з траўня 2015 года да чэрвеня 2022-га работніца забірала сабе каштоўны метал, атрыманы ў якасці даплат для аформленых ёю заказаў на выраб ювелірных вырабаў. Акрамя таго, яна забрала сабе вырабы абменнага фонду і атрыманы ад заказчыкаў лом каштоўнага металу.

Махінацыі выявіліся падчас інвентарызацыі, якая паказала, што абвінавачаная вынесла не менш за 1,1 кг золата 583 пробы коштам звыш 80 тысяч рублёў. Да таго ж яна залезла яшчэ і ў касу: забрала адтуль каля 1,4 тысячы рублёў.

Жанчына віну не прызнала, шкоду не кампенсавала.

У выніку суд Калінкавіцкага раёна прызнаў яе вінаватай у прысваенні даручанай маёмасці і пакараў трыма гадамі пазбаўлення волі з адбываннем у папраўчай калоніі ва ўмовах агульнага рэжыму, таксама яе абавязалі выплаціць штраф сумай 50 базавых адзінак (дзве тысячы рублёў).

Акрамя таго, жанчыне на пяць гадоў забаранілі займаць пасады, звязаныя з улікам, захоўваннем і распараджэннем матэрыяльнымі каштоўнасцямі.

Суд таксама спагнаў з абвінавачанай на карысць ювелірнай майстэрні шкоду, якую яна прычыніла. Прысуд уступіў у законнае дзеянне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]