Мянчук падахвоціўся праводзіць жанчыну дадому з крамы

А па дарозе зарабіў "крыміналку".

У міліцыю Менска звярнулася жанчына, у якой новы знаёмы выкраў мабільны тэлефон коштам больш за 3 000 рублёў. Мянчанка расказала, што позна ўночы на выхадзе з гастранома пазнаёмілася з пакупніком, які прапанаваў правесці яе да дома. Мянчанка пагадзілася.

“Прайшоўшы некаторую адлегласць, новы знаёмы папрасіў у яе мабільнік для званка. Размаўляючы праз тэлефон, мужчына паступова адыходзіў ад пацярпелай, а пасля схаваўся ў невядомым кірунку”, - распавялі ў ГУУС.

Супрацоўнікі міліцыі ўстанавілі асобу падазраванага. Ім быў 37-гадовы неаднаразова судзімы за маёмасныя злачынствы мужчына. Высветлілася, што тэлефон ён здаў у ламбард, а атрыманыя грошы выдаткаваў на асабістыя патрэбы.

У дачыненні да менчука распачалі крымінальную справу за рабаванне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]