Politico: Пуцін павінен нервавацца

Новая каманда Трампа ўсяляе аптымізм у прыхільнікаў Украіны.

Саюзнікі Украіны вельмі асцярожна падыходзяць да новых прызначэнняў Трампа, аднак яны не сумняваюцца, што для Пуціна гэта дрэнныя навіны. Так яны выказаліся пра Марка Уолца, дарадцу ў нацыягальнай бяспецы, і Марка Рубіё, новага дзяржсакратара, інфармуе рэсурс Politico.

Абодва чыноўнікі першапачаткова прытрымліваліся дактрыны, што "Амерыка вышэйшая за ўсё".

Экспэрты падкрэсліваюць, што ў свой час абодва рэспубліканцы выступілі супраць вайсковай падтрымкі Украіне не праз адсутнасць лішніх грошай у скарбніцы ЗША, а праз адмову Вашынгтона надаць належную ўвагу ўмацаванню мяжы з Мексікай.

Варта таксама нагадаць, што Уолц быў адным з тых палітыкаў, якія патрабавалі ад Байдэна зняць абмежаванні на ўдары дальнабойнай зброяй па тэрыторыі РФ.

"Для тых, хто ўстурбаваны тым, што Трамп збіраецца здрадзіць Украіне, я думаю, што яго галоўны прыярытэт - паспрабаваць знайсці нейкі справядлівы мір", - сказаў былы чыноўнік адміністрацыі Трамп.

Апошнія прызначэнні Трампа гавораць аб тым, што ён і далей гатовы прымаць самыя жорсткія меры наконт экспарту энэргарэсурсаў з РФ.

Уолц не раз крытыкаваў Байдэна за тое, што той не закрыў для Крамля ўсе шчыліны наконт экспарту нафты. Некаторыя палітолагі ўпэўненыя, што выбар Уолца і Рубіё - гэта як сігнал таго, што новая адміністрацыя Трампа будзе сімпатызаваць Украіне.

Варта адзначыць, што Рубіё не раз бываў у Кіеве і крытыкаваў тых рэспубліканцаў, якія адмаўляюцца дапамагаць Украіне.

"Я думаю, мы маглі б выкарыстоўваць спалучэнне непрадказальнасці Трампа з яго жаданнем быць пераможцам і зрабіць гэта моцнай формулай для прасоўвання мірнага працэсу ва Украіне", – сказаў у нядаўнім інтэрв'ю Андэрс Фог Расмусэн.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]