Прызыўнікам у Маскве пачалі закрываць выезд з краіны

Ваенкаматы рассылаюць смс-паведамленні.

Ваенкаматы ў Маскве разаслалі прызыўнікам на тэрміновую службу абвесткі, што на іх накладзеныя абмежаванні за няяўку на позву. Інфармацыя пра гэта без спасылкі на крыніцу з'явілася ў Z-каналах. Некалькі рэальных выпадкаў атрымання такога апавяшчэння пацвердзіў «Важным гісторыям» юрыст Руху свядомых адмоўнікаў Арцём Клыга.

У апавяшчэннях гаворыцца, што прызыўніку закрыты выезд з Расеі і накладзеныя іншыя абмежаванні ў адпаведнасці з папраўкамі ў закон «Аб воінскім абавязку» ад 2024 года.

«Важныя гісторыі» ўдакладняюць, што гаворка ідзе пра забарону распараджацца нерухомасцю, рэгістравацца ў якасці самазанятага і індывідуальнага прадпрымальніка, атрымліваць замежны паспарт, браць крэдыты і рэгістраваць транспартныя сродкі.

Тым, хто атрымаў апавяшчэнні, таксама прыгразілі крымінальнай адказнасцю і заклікалі тэрмінова з'явіцца ў зборны пункт на Угрэшскай вуліцы.

Паводле словаў Клыгі, прызыўнікі сталі паведамляць праваабаронцам пра рассылку такіх апавяшчэнняў на мінулым тыдні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]