Кая Калас: Расея баіцца дэмакратычнай Беларусі

Новая кіраўніца еўрапейскай дыпламатыі гатовая працаваць з беларускай апазіцыяй.

Былая прэм'ер-міністр Эстоніі Кая Калас, неўзабаве павінна ўступіць на пасаду вярхоўнай прадстаўніцы ЕЗ у замежных справах, заявіла аб сваёй гатоўнасці супрацоўнічаць з беларускімі прадэмакратычнымі сіламі, паведамляе карэспандэнт Charter97.org у Брусэлі.

"Мы працягнем абмяркоўваць, што яшчэ можна зрабіць для падтрымкі прадэмакратычных памкненняў беларускага народа", - сказала палітык, адказваючы на пытанне кіраўніка дэлегацыі з Беларусі, еўрадэпутата ад Польшчы Малгажаты Гасеўскай.

«Выклікае вялікую асцярогу той факт, што пры гэтым рэжыме ёсць 1 300 палітычных зняволеных (афіцыйна прызнаныя праваабаронцамі - заўв.), таму мы павінны працаваць разам з беларускай апазіцыяй. Гэта, аднак, неверагодна цяжка ў гэтай геапалітычнай сітуацыі: Беларусь, я думаю, знаходзіцца пад вельмі вялікім уплывам ад таго, што адбываецца ў Расеі <…>, а яны [Расея] баіцца пашырэння дэмакратычнай прасторы ў Беларусі», — адзначыла Кая Каллас на слуханнях у Еўрапарламенце аб зацвярджэнні яе кандыдатуры на ролю кіраўніцы дыпламатыі ЕЗ.

17 верасня кіраўнік Еўракамісіі Уршуля Фон дэр Ляен зацвердзіла кандыдатуру экс-прэм'ера Эстоніі Каі Калас на пасаду вярхоўнага прадстаўніка ЕЗ у замежнай палітыцы і бяспецы.

Калас узначальвала ўрад Эстоніі са студзеня 2021-га да ліпеня 2024 года. Яна была першай жанчынай на гэтай пасадзе. Палітык вядомая сваімі моцнымі заявамі ў падтрымку Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]