У новым следчым ізалятары ў Калядзічах — праблемы з перадачамі

Супрацоўнікі не даюць рады.

Сваякі падследных у новым следчым ізалятары, куды зняволеных перавялі з Валадаркі, вымушаны прыязджаць туды а 4-5 раніцы, каб паспець аддаць перадачу. Чарга можа заняць паўдня. "Медыязона" знайшла некалькіх сваякоў зняволеных і даведалася, што адбываецца з адпраўкай перадач.

Супрацоўнікі не даюць рады

Улетку гэтага года ўсіх падследных з ізалятара на Валадарскага ў Менску перавялі ў новы будынак следчага ізалятара - у Калядзічах, а дакладней у вёску Пашковічы каля Калядзічаў, за 14 кіламетраў ад Менска. Як піша тэлеграм-канал Mayday.team, сітуацыя з перадачамі абвастраецца таксама праз распачаты рамонт у турме №8 у Жодзіне. Падследных, якія ўтрымліваюцца там, пераводзяць у следчы ізалятар у Калядзічах.

Мінімум двое зняволеных, якія паспелі там пабываць, чулі, што частка супрацоўнікаў звольнілася пасля пераезду следчага ізалятара. Сваячка аднаго з падследных распавяла "Медыязоне", што ў ізалятары працуюць звычайна не ўсе акенцы для прыёму перадач, а толькі два-тры.

У пачатку месяца і перад святамі, каб раніцай быць на месцы і заняць чаргу, тым, хто не з Менска, трэба выязджаць уначы.

«Я прыехала а 4.55 і была 50-я ў чарзе. У суботу я нават не ведаю, што там будзе», - распавядае жанчына, якая перадавала перадачу ў будны дзень.

Суботамі горш за ўсё

У суботу ў ізалятар прыязджаюць тыя, хто праз працу ці доўгую дарогу не можа прыехаць у буднія дні.

“Я збіраюся ехаць у суботу і мне сказалі, што чаргу трэба займаць з пятніцы. Мінулы раз мы выехалі а трэцяй ночы, там былі а пятай, і былі ўжо трыццатыя”, - кажа сваячка зняволенага.

Яшчэ адна жанчына паведаміла, што, прыехаўшы ў суботу да сямі раніцы, апынулася ў чарзе амаль 150-й.

Чакаюць у аўто і на дварэ, бяруць з сабой раскладныя крэслы

Адкрыццё ізалятара сваякі, якія прыехалі, чакаюць на дварэ ці ў аўто. І летам, і зараз. Памяшканне для прыёму перадач адчыняецца а 8 раніцы - з гэтага часу можна чакаць усярэдзіне. Там ёсць крэслы і канапы, але многія прыязджаюць з уўласнымі складанымі крэселкамі, бо месцаў на ўсіх не стае.

Адна са сваячак распавяла "Медыязоне", што такі "ажыятаж" ствараюць тыя, хто прыязджаюць сем'ямі, каб адправіць перадачу.

“Не адзін чалавек на перадачу, а натоўпам - вось і выходзіць, што месца ў памяшканні мала. Самі ствараюць чэргі і скардзяцца потым. Нешта можна адправіць поштай. І ніхто там, дарэчы, не галадае, іх жа кормяць. Можна грошы на рахунак пакласці, каб чалавек там мог, што яму трэба ў атаварцы купіць”.

Іншагароднія едуць па некалькі гадзін у адзін бок

Сваячка аднаго з падследных з Магілёўскай вобласці расказала, што дарога ў адзін бок займае ў яе больш за тры гадзіны, таму перадачы яна возіць толькі адзін-два разы на месяц.

"Хацелася б часцей, але не атрымліваецца зусім", – кажа яна.

Жанчына з Берасця пісала ў чаце, што не можа прывозіць прадукты часцей, чым два разы на месяц, бо "дарога займае час і абыходзіцца нятанна".

Дапамагае пошта - без свежых прадуктаў, але і без чэргаў

Каб пазбегнуць чэргаў, нехта са сваякоў адпраўляе прадукты і рэчы поштай. Але садавіна ці гародніна, якіх няма ў рацыёне зняволеных, такім чынам перадаць нельга, бо яны належаць да прадуктаў, якія хутка псуюцца.

“Я пра ўсё даведаюся праз адваката, яна кажа, што чэргі вельмі вялікія, і лепш праз пошту. Мяркуючы з таго, што пішуць у чаце, чэргі дагэтуль вялікія. Лісты даходзяць, пасылкі таксама, таму мы даем рады так”, - распавяла “Медыязоне” сваячка зняволенага.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]