Пасля расейскага ўдару ў Крывым Рогу загінула маці і трое дзяцей

З сям'і ацалеў толькі бацька.

Ва ўкраінскім Крывым Рогу з-пад руінаў разбуранага расейцамі дома дасталі целы трох дзяцей. Колькасць ахвяр расейскага ўдару вырасла да чатырох, піша New Voice.

Пра гэта паведаміў кіраўнік Днепрапятроўскай АДА Сяргей Лысак у Telegram.

«Цела трэцяга дзіцяці знайшлі пад руінамі пяціпавярховіка. Ёй не было і года», - піша ён.

Лысак адзначыў, што ўсяго падчас учорашняга нападу на Крывы Рог расейцы забілі чатыры чалавекі. Ён выказаў спачуванні родным загінулых.

Пошукава-выратавальная аперацыя закончаная.

Напярэдадні вечарам у Крывым Рогу ратавальнікі знайшлі пад руінамі цела маці гэтых дзяцей. Дзецям было дзесяць гадоў, два з паловай гады і два месяцы, паведамляла Суспільне са спасылкай на словы іх бабулі.

Мясцовае выданне "Свае" паведамляе, што ўдалося выжыць толькі бацьку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]