Міністр абароны Літвы: Еўропа і Трамп могуць аб'яднаць намаганні

У якіх сферах?

Еўрапейскія краіны не павінны паўтараць памылак, ствараючы бар'ер паміж імі і новаабраным прэзідэнтам Злучаных Штатаў Дональдам Трампам, а замест гэтага – супрацоўнічаць у пытаннях, якія маюць агульную цікавасць.

Пра гэта заявіў міністр абароны Літвы Лаўрынас Кашчунас у інтэрв'ю АР.

Якім павінен быць падыход да супрацоўніцтва Еўропы і ЗША пры Трампу

Кашчунас мяркуе, што пасля прэзідэнцкіх выбараў 2016 года ў ЗША, калі Трамп перамог кандыдатку ад дэмакратаў Хілары Клінтан, еўрапейскія дзяржавы «пабудавалі супраць рэспубліканца маральную сцяну».

– Я думаю, што гэта быў няправільны шлях, – сказаў Кашчунас.

На ягоную думку, Трамп падчас другога тэрміну на пасадзе зноў ужыве «кантрактны падыход да нашых стасункаў».

Акрамя таго, літоўскі міністр акрэсліў сферы, дзе Еўропа і Трамп могуць аб'яднаць намаганні: больш інвестыцый у абарону, набыццё еўрапейцамі амерыканскай зброі і супрацоўніцтва ў стрымліванні Кітая і Ірана.

Кашчунас адзначыў, што ваенная дапамога Украіне з боку Еўропы павінна прадаўжацца, а Расея не павінна дыктаваць умовы міру.

– Нам патрэбны справядлівы мір, мір, які заслугоўвае даверу, – сказаў ён.

Кіраўнік Мінабароны Літвы адзначыў, што абмежаванае спыненне агню ва Украіне – ідэя, якую нібыта прасоўвае асяроддзе Трампа, – не мае сэнсу, паколькі толькі дапаможа войскам РФ акрыяць ад стратаў і нанесці новыя ўдары.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]