Як насамрэч памёр пад Данецкам генерал РФ Кліменка: новыя звесткі

У Расеі зняпраўдзілі афіцыйную версію.

Смерць на акупаваным Данбасе камандзіра 5-й мотастралковай брыгады УС РФ генерал-маёра Паўла Кліменкі - гэта вынік п'янага ДТЗ, а не атакі беспілотніка.

Пра гэта 10 лістапада паведаміў уплывовы расейскі Telegram-канал «ВЧК-ОГПУ», які звязваюць са спецслужбамі РФ.

Кліменка развітаўся з жыццём пад акупаваным Данецкам 6 лістапада. Афіцыйная версія абвяшчае, што ён атрымаў смяротныя раненні пры нападзе FPV-дрона.

Аднак, запэўнівае рэсурс, гэта не адпавядае рэчаіснасці.

«Кліменка ў п'яным стане на вялікай хуткасці з'ехаў на матацыкле ў кювет і пазней памёр ад характэрных для такога ДТЗ траўм. Аднак было складзенае заключэнне аб тым, што ў кювет ён з'ехаў у выніку абстрэлу з ужываннем БПЛА», - распавёў расейскі рэсурс.

Ён удакладніў, што на целе генерала няма ніякіх тэрмічных або асколачных раненняў. У яго былі знойдзеныя шматлікія пераломы, у тым ліку таза і ног, а таксама траўма галавы.

Канал сцвярджае, што за сваю «гераічную» гібель расейскі камбрыг атрымае неўзабаве пасмяротна зорку героя РФ. Генерала плануюць пахаваць у акупаваным Крыме.

Медыкаў, якія спрабавалі выратаваць жыццё высокапастаўленаму акупанту, запалохалі і запатрабавалі ўтаіць рэальныя прычыны смерці.

ДТЗ здарылася ўвечары, 6 лістапада, ля горада Краснагораўкі, што пад Данецкам. Генерал з яшчэ двума падначаленымі ехалі на матацыклах на вялікай хуткасці. Будучы моцна п'яным, Кліменка ўляцеў у кювет. У яго суправаджаючых няма ніякіх траўм.

«Нягледзячы на факты, у заключэнні вайскоўцаў аб абставінах смерці Кліменкі з'явілася ўказанне, што ён загінуў «у выніку..агнявога паражэння з ужываннем FPV-дрона». А каб растлумачыць несупадзенні такой версіі, у заключэнні дадалі, што «з прычыны выбухной хвалі Кліменка П.Ю. быў адкінуты ў кювет разам з матацыклам», - паведаміў рэсурс.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]