Кадыраў пайшоў супраць расейскіх сілавікоў

І заявіў, што «Расею сутыкаюць з брацкімі рэгіёнамі».

Кіраўнік Чачэніі Рамзан Кадыраў выступіў з крытыкай нядаўніх заканадаўчых ініцыятыў па ўзмацненні жорсткасці міграцыйнай палітыкі ў Расеі. У сваім тэлеграм-канале ён выказаў расчараванне такім падыходам да развязання міграцыйных пытанняў.

Кадыраў падкрэсліў, што цяперашнія захады супраць мігрантаў празмерна жорсткія і непрадуктыўныя.

«Такое пачуццё, што нехта мэтанакіравана сутыкае Расею з суседнімі брацкімі рэгіёнамі. Міграцыйную палітыку калі і мяняць, то не такім агідным чынам, калі азвярэла кідаюцца на ўсіх немясцовых, хто пад руку трапіцца», - напісаў кіраўнік Чачэніі.

На думку Кадырава, праблема ўзнікла не праз мігрантаў, а праз «бязладнасць» адказных службовых асоб. Ён перасцярог ад «распальвання ў грамадстве нянавісці да мігрантаў» і заклікаў да стварэння «правільнай сістэмы міграцыйнага кантролю».

Адзначым, пасля тэракту ў падмаскоўным «Крокус Сіці Холе» расейскія сілавікі ўзмацнілі жорсткасць палітыкі ў дачыненні да мігрантаў з краін Цэнтральнай Азіі. У РФ масава не пускаюць грамадзян Таджыкістана. Таксама пачасціліся дэпартацыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]