Расея ўпершыню амаль за 100 гадоў можа застацца без амбасадара ў ЗША

У Маскву вярнуўся Анатоль Антонаў, які займаў пасаду пасла ў Вашынгтоне з 2017 года.

Расея ўпершыню з 1930-х гадоў можа надоўга застацца без паўнавартаснага кіраўніка дыпмісіі ў ЗША.

У нядзелю, 6 кастрычніка, у Маскву вярнуўся Анатоль Антонаў, які займаў пасаду пасла ў Вашынгтоне з 2017 года. А прызначаць новага амбасадара Крэмль хутка не плануе, паведамляюць «Ведомости» са спасылкай на крыніцы сярод расейскіх чыноўнікаў і ў Дзяржаўнай Думе.

Антонаў, які раней узначальваў у МЗС дэпартамент кантролю над раззбраеннем, у мінулым экс-намеснік міністра абароны, незадоўга да свайго ад'езду паведамляў аб пагрозах уласнай расправы, якія нібыта паступалі яму асабіста і іншым расейскім дыпламатам. Указ прэзідэнта ў сувязі з ад'ездам Антонава з'явіцца ў найбліжэйшыя дні, паведаміла ў панядзелак афіцыйная прадстаўніца МЗС РФ Марыя Захарава.

Спяшацца з заменай Антонава ўлады не бачаць сэнсу. «Цяпер з расейскім паслом ніхто з афіцыйных асоб (у ЗША) усё адно не мае стасункаў, таму па вялікім рахунку не важна, хто стане новым прадстаўніком у Вашынгтоне», – тлумачыць адзін з суразмоўцаў «Ведомостей».

Апошні раз без амбасадара ў ЗША Масква жыла ў канцы 1930-х гадоў, калі пасля прызнання СССР Вашынгтонам пасольства ўзначальвалі дыпламаты ў статусе «часовага паверанага або паўнамоцнага прадстаўніка». У 1941 годзе першым савецкім паслом у ЗША стаў Канстанцін Уманскі. Даўжэй за ўсіх у гэтай ролі - з 1962 да 1986 года - затрымаўся Анатоль Дабрынін.

Імаверна, працяг працы ў ЗША намесніка амбасадара, калі Масква на нейкі час захоча прадэманстраваць сваю незадаволенасць прымаючым бокам, мяркуе навуковы кіраўнік Расейскага савета ў міжнародных справах Андрэй Картуноў. Іншы варыянт - гэта прызначэнне амбасадара ў ЗША не з характэрнай для савецкай традыцыі пазіцыі намесніка міністра, а з пазіцыі кіраўніка таго ці іншага дэпартамента МЗС, як гэта адбылося, напрыклад, пры прызначэнні амбасадарам у Вялікай Брытаніі Андрэя Келіна ў 2019 годзе.

«Зусім не выключана, што ў той ці іншай форме ўзровень расейскага прадстаўніцтва ў Вашынгтоне будзе паніжаны», – дапускае Картуноў.

Пра тое, што Расея разглядае магчымасць паніжэння статусу дыпламатычных стасункаў з ЗША, у красавіку гаварыў намеснік кіраўніка МЗС РФ Сяргей Рабкоў. А ў чэрвені пагрозу паўтарыў прэс-сакратар Крамля Дзмітрый Пяскоў.

Са слоў Рабкова, адмовіцца ад амбасады ў ЗША Масква магла б у адказ на канфіскацыю замарожаных Вашынгтонам золатавалютных рэзерваў, а са слоў Пяскова - праз больш глыбокае ўцягванне ЗША і іх хаўруснікаў у вайну ва Украіне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]