«Рэал» застаўся без прэтэндэнта на «Залаты мяч»
1- 7.10.2024, 16:47
- 4,020
Названыя прычыны.
Віцэ-капітан мадрыдскага «Рэала» Даніэль Карвахаль папоўніў лазарэт каманды. Пра гэта паведамляе РБК-Украіна са спасылкай на афіцыйны сайт клуба.
32-гадовы абаронца атрымаў пашкоджанне ў сутыкненні з гульцом «Вільярэала» Ярэмі Піна на 90+3 хвіліне паядынку Ла Лігі. Ён не змог працягнуць гульню і пакінуў поле на насілках.
Медыцынскае абследаванне выявіла ў Карвахаля парыў пярэдняга крыжападобнага звязка калена, вонкавага калатэральнага звязка і падкаленнага сухажылля правай нагі. На прагнозы футбаліст прапусціць 8-10 месяцаў.
Адразу пасля матчу сам гулец звярнуўся да заўзятараў праз персанальны Instagram. Ён пацвердзіў цяжкасць траўмы і паведаміў, што яго чакае хірургічнае ўмяшанне.
Карвахаль - ужо чацвёрты футбаліст «Рэала», які пашкодзіў крыжападобныя звязкі калена за апошнія 14 месяцаў. У 2023 годзе такая ж траўма надоўга пакінула па-за гульнёй галкіпера Ціба Куртуа і абаронцы Эдэра Мілітаа, а ў пачатку 2024-га - яшчэ аднаго абаронцу, Давіда Алабу.
Хто такі Даніэль Карвахаль
Выхаванец «Рэала» знаходзіцца ў сістэме клуба з 2002 года (з перапынкам на сезон-2012/13, які правёў у нямецкім «Баеры»). У складзе сметанковых - 4-разовы чэмпіён Гішпаніі, 6-разовы пераможца Лігі чэмпіёнаў і 5-разовы - Клубнага чэмпіянату свету. За нацыянальную каманду Гішпаніі правёў 51 матч і забіў адзін гол.
У гэтым годзе быў лідарам дзвюх найлепшых каманд Еўропы - «Рэала» і нацыянальнай каманды сваёй краіны. Перамог у Лізе чэмпіёнаў, вызначыўшыся ў фінале пераможным голам, і Еўра-2024. Уключаны ў спіс прэтэндэнтаў на «Залаты мяч».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
