Жыхар Берасця прыдумаў схему, як зарабіць на алкаголі

Ён задзейнічаў у сваім «бізнэсе» дальнабойнікаў.

У Берасці ў мясцовага жыхара канфіскавалі вялікую партыю сурагатнага алкаголю. Аб гэтым паведамілі ў прэс-службе МУС.

Інфармацыя аб тым, што 42-гадовы мужчына захоўвае дома падроблены алкаголь, паступіла супрацоўнікам УБЭЗ УУС Берасцейшчыны. Яны наляцелі дадому да берасцейца і знайшлі там звыш 540 літраў спірту ў 54 каністрах, 114 бутэлек фальсіфікаванай гарэлкі агульным аб'ёмам амаль 80 літраў, а таксама пустыя бутэлькі, этыкеткі і коркі з дазатарамі. Усё гэта канфіскавана.

«Мужчына патлумачыў, што цягам двух гадоў вырабляў сурагатны алкаголь у хатніх умовах. Спірт ён набываў у дальнабойнікаў, затым саматужным спосабам вырабляў кантрафакт, які збываў па напрацаванай кліенцкай базе», - распавялі ў МУС.

Адзначаецца, што на продажы самаробных спіртных напояў мужчына зарабіў не менш за 24 тысячы рублёў.

Цяпер яму пагражае штраф у суме васьмі тысяч рублёў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]