Дубайская авіякампанія Emirates Airlines забараніла пэйджары і рацыі

Пасля нападаў у Ліване.

Дубайская авіякампанія Emirates Airlines забараніла пасажырам праносіць на борт пэйджары і рацыі. Гэта здарылася пасля таго, як у баевікоў «Хезбалы» ў верасні ў рамках нападу ўзарваліся прылады сувязі, паведамляе Reuters.

«Усім пасажырам, якія падарожнічаюць праз Дубай, забаронена перавозіць пэйджары і рацыі ў зарэгістраваным багажы або ручной паклажы. Любыя знойдзеныя забароненыя прадметы будуць канфіскаваныя паліцыяй Дубая ў рамках узмоцненых захадаў бяспекі», - гаворыцца на сайце авіякампаніі.

Найбуйнейшая авіякампанія Блізкага Усходу таксама дадала, што палёты ў Ірак і Іран будуць прыпынены да аўторка, а палёты ў Іарданію адновяцца ў нядзелю.

Акрамя таго, да 15 кастрычніка будуць прыпыненыя рэйсы ў Ліван праз эскалацыю нападаў Ізраіля на «Хезбалу», якая падтрымліваецца Іранам, уключаючы ўдары паблізу аэрапорта Бейрута.

Некалькі іншых авіякампаній таксама прыпынілі палёты ў Бейрут і іншыя аэрапорты на фоне абвастрэння сітуацыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]