Беларус ездзіць па краіне і паказвае жыллё, якое прадаецца за "смешныя" грошы

Ёсць аб'екты за 900 даляраў.

Беларус завёў TikTok і запусціў там рубрыку "Смешныя цэны", дзе паказвае выстаўленыя на продаж у вёсках недарагія дамы і кватэры. Ёсць аб'екты нават за 900 даляраў. Як правіла, там ужо ніхто не жыве, нерухомасць знаходзіцца ў запушчаным стане, адзначае «Люстэрка».

Мужчына паказаў некалькі дамоў з участкамі ў гарадскім пасёлку Урэчча Любанскага раёна. Ён адзначыў, што населены пункт развіты: ёсць грамадскі транспарт (у тым ліку, чыгуначная станцыя), сельсавет, сталовая, некалькі крамаў, два дзіцячыя садкі, дзве школы, дом культуры і іншае.

- Вось ёсць домік, сад каля плота. Насупраць - прыпынак транспарту, побач дом культуры. Ёсць электрычнасць, участак прывесці ў парадак і пойдзе. Каштуе 1800 даляраў, магчымы гандаль, — пазнаёміў блогер з першым аб'ектам.

На вуліцы Завадской, побач з заводам «Крышталь», прадаецца драўляны дом, які падзелены на дзве часткі, у адной знаходзіцца двухпакаёвая кватэра, у другой - аднапакаёўка. Унутры ёсць печка, туалет знаходзіцца на вуліцы. Да двухпакаёвай часткі дома дадаткова ідзе зямельны ўчастак, ён знаходзіцца на той жа вуліцы, але крыху наводдаль. За двушку просяць 2000 даляраў.

- Падчысціць і можна завозіць мэблю і жыць. Не ва ўсіх жа грошы ёсць, каб купляць дарагое жыллё, некаму трэба і такое.

Ёсць жыллё і на мясцовай вуліцы Леніна - дом, які даўно не могуць прадаць, хоць просяць за яго "невялікія грошы" - 1500 даляраў. На ўчастку ёсць калодзеж.

Побач з Урэччам знаходзіцца аграгарадок Языль Старадарожскага раёна, там таксама прадаюцца два дамы. Калі меркаваць па вонкавым выглядзе, яны знаходзяцца ў лепшым стане, чым папярэднія аб'екты, але і каштуюць даражэй — 5000 і 3000 даляраў.

- Гэты край вельмі багаты азёрамі і грыбнымі месцамі, - паведаміў блогер.

Блогер адшукаў дом на продаж у вёсцы Вострава Капыльскага раёна (гэта прыкладна 140 км ад Менска), за яго просяць 3000 даляраў. Участак у населеным пункце крайні, суседзяў побач няма, у пешай даступнасці знаходзіцца вадаём з рыбай.

- Паглядзіце які дом з «джунглямі», уяўляеце, колькі ў вас тут дроў будзе, тапіць не ператапіць, - паказаў зарослы ўчастак блогер. - Але дом дыхтоўны, хоць дах трэба чысціць, галінкі прыбіраць. А так нядрэнна. Ёсць гаспадарчыя пабудовы на ўчастку, гараж у выдатным стане.

У вёсцы Сорагі Слуцкага раёна прадаюць драўляны дом за 900 даляраў. Блогер адзначыў, што ў будынак праведзена электрычнасць,

- Ён стаіць на ўпэўненым падмурку. Яго пафарбаваць і пад лецішча будзе выдатна. Асфальтаваны пад'езд, у вёсцы ёсць крамы, царква.

Там жа ёсць трохпакаёвая кватэра за 2500 даляраў, знаходзіцца яна на другім паверсе двухпавярховага дома. Раней будынак абаграваўся катлом. У хаце ніхто не жыве, вады ўсярэдзіне няма.

Наадварот двухпавярхоўкі прадаецца драўляная «хібара» за 1500 даляраў. З домам ідзе ўчастак плошчай 25 сотак.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]