Лукашэнка трызніў пра «добрую пугу»

Дыктатар засмучаны сітуацыяй у Магілёўскай вобласці.

Дыктатар Лукашэнка даручыў аднавіць праграму развіцця Палесся - ён думае, што гэты рэгіён здольны "накарміць усю краіну", калі прывесці яго ў парадак. У той жа час Магілёўшчыне, паводле яго слоў, патрэбная “добрая пуга”, паведамляе прэс-служба дыктатара.

Лукашэнка 4 кастрычніка прыехаў з працоўнай паездкай Пінскі раён Берасцейскай вобласці. Там ён даручыў вярнуцца да праграмы развіцця Палесся, заявіўшы, што падобныя спробы ў мінулым ужо былі.

- Калісьці мы падступаліся да Палесся. І была прынятая праграма адраджэння Палесся. Як у нас, у чыноўнікаў, бывае, паварушыліся туды сюды, і на гэтым скончылі, - сказаў дыктатар.

Ён удакладніў, што размова ідзе аб тэрыторыях ад Пінска ў бок Мазыра.

Дыктатар нагадаў і пра іншыя такія рэгіянальныя праграмы — напрыклад, на паўднёвым усходзе Магілёўскай вобласці, “адраджэнне” чарнобыльскіх раёнаў.

Што да Магілёўшчыны, то Лукашэнка запатрабаваў навесці там дысцыпліну для эфектыўнага развіцця.

— Магілёўскай вобласці патрэбна добрая пуга. Там выдатныя землі, ёсць усё. Проста разбэсціліся, - заявіў дыктатар.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]