У лякарні Абельскай некаторых пацыентаў абазначаюць «Чорнай пазнакай»

Дзіўная інавацыя выкарыстоўваецца ў «Лечкамісіі».

Загадчыца інфекцыйна-эпідэміялагічнага аддзела лякарні кіраўніцтва справамі Лукашэнкі Алена Качанка распавяла, што ў стацыянары некаторых пацыентаў пазначаюць «Чорнай пазнакай».

Аповед Качанкі аб гэтым ноў-хаў заўважыў тэлеграм-канал «Белыя халаты».

«Калегі з Нацыянальнага медыка-хірургічнага цэнтра ім. М. І. Пірагова пры ізаляцыі пацыента з мультырэзістэнтнай флорай на палату вешаюць таблічку «Не чапаць! Халат, шапачка, маска, пальчаткі».

Мы ж у сябе ў стацыянары прыдумалі назву «чорная пазнака». Такім чынам, санітарка дакладна разумее, што палату, у якой знаходзіцца пацыент з «чорнай пазнакай», трэба памыць у апошнюю чаргу; таксама і буфетчыца прыносіць туды ежу ў апошнюю чаргу, а хірург ведае, што перавязку трэба зрабіць апошняй справай у палаце», - распавяла Качанка на старонках «Медицинского вестника».

«Белыя халаты» адзначаюць, што заходзіць у такую палату ў апошнюю чаргу - адэкватная практыка, але наколькі такая «маркіроўка» адпавядае этычным нормам, не зусім зразумела. Звычайна ў такіх выпадках дастаткова стандартных папераджальных надпісаў, без выяў з чэрапам і косткамі.

У 2024 годзе Качанка апублікавала вучэбна-метадычны дапаможнік «Элементы інфекцыйнага кантролю ў шматпрофільным стацыянары». Рэдагавала дапаможнік Ірына Абельская — галоўная лекарка «Лечкамісіі» і маці Мікалая Лукашэнкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]