Жыхар Смаргоні пачаў страляць па падлетках

З пнэўматычнага пісталета.

Крымінальная справа распачатая ў дачыненні да жыхара Смаргоні, які страляў у кампанію падлеткаў з пнэўматычнага пісталета, паведамілі ва УСК Гарадзенскай вобласці.

Інцыдэнт у раённым цэнтры адбыўся ўвечары 16 верасня: дзеці ў двары жылога дома ўзрывалі пэтарды, а пасля нехта з суседняга дома стрэліў у іх з пнеўматычнай зброі, трапіўшы ў адно дзіця.

Дома 15-гадовы хлопчык расказаў аб здарэнні бацькам. Праваахоўнікі здолелі пільна высветліць асобу стралка.

Паводле СК падазраваны — 35-гадовы мясцовы жыхар — у той вечар лёг раней спаць, бо раніцай мерыўся адправіцца ў іншы горад на заробкі.

«Ён расказаў следчаму, што пасля таго, як прачнуўся, з сэйфа дастаў пнэўматычны пісталет, які яму належаў. З акна сваёй кватэры фігурант зрабіў тры стрэлы, адзін з якіх быў дакладным і трапіў у грудную клетку дзіцяці», – сказалі ва ўправе.

Пры гэтым мужчына заявіў, што трапіў у падлетка выпадкова, бо страляў у сцяжынку, каб прыстрашыць падлеткаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]