Каля Тэль-Авіва грузавік пратараніў аўтобусны прыпынак

Паліцыя не выключае тэракт.

Каля сталіцы Ізраіля грузавік пратараніў аўтобусны прыпынак. Праваахоўнікі не выключаюць тэракт.

Пра гэта паведамляе The Time of Israel.

Інцыдэнт адбыўся раніцай, 27 кастрычніка, на скрыжаванні ў раёне Глілот каля Тэль-Авіва. На месца аварыі накіравалі шматлікія патрулі паліцыі.

Як піша выданне, у момант сутыкнення на прыпынку было шмат людзей. Паводле папярэдніх звестак, у выніку аварыі пацярпелі 16 чалавек. Чацвёра з іх у цяжкім стане. Паводле іншых звестак, раненні атрымалі 24 чалавекі.

Паліцыя падазрае, што таран грузавіка каля Тэль-Авіва быў тэрактам. The Jerusalem Post паведамляе, што кіроўца грузавіка затрыманы, іншыя СМІ - што забіты паліцыяй пры затрыманні.

Варта дадаць, што ў раёне Глілот знаходзіцца штаб-кватэра ізраільскай выведвальнай службы «Масад» разам з некалькімі выведвальнымі падраздзяленнямі войска абароны Ізраіля (ЦАХАЛ), уключаючы высокапрофільную групу радыётэхнічнай выведкі Unit 8200.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]