Саліст «Пятлі заўзятасці» адказаў расейцам

Рок-гурт выпусціў альбом на беларускай мове.

«Я не збіраюся апраўдвацца перад жыхарамі іншай краіны за тую мову, якую выкарыстоўваю, будучы грамадзянінам Рэспублікі Беларусь», — так саліст гурта «Пятлі заўзятасці» Ілья Чарапко-Самахвалаў адказаў на хвалю хэйту на адрас гурта пасля выхаду новага альбома «Суперпазіцыя».

Прэм'ера цалкам беларускамоўнага альбома, якая адбылася ўчора на музычных онлайн-платформах, нечакана выклікала хвалю абурэння ў часткі расейскай публікі. У сацсетцы Укантакце на адрас калектыву пасыпаліся абразы і папрокі.

«Калі мы ствараем нешта, то робім гэта, зыходзячы з нашага ўнутранага жадання, — адказаў музыка на пытанне аб тым, ці ўлічвае гурт магчымыя рызыкі страты часткі аўдыторыі.

Для нас гэта не кан'юнктура, а ўнутранае імкненне як творчых асоб. Калі мы захочам зрабіць альбом на расейскай мове, мы яго зробім. Цяпер мы палічылі важным стварыць альбом на беларускай мове. Мы – грамадзяне Рэспублікі Беларусь, а не Расейскай Федэрацыі, паўтаруся. Вось і адказ на ўсе пытанні».

Ілья спадзяецца, што большасць расейскіх слухачоў гурта «Пятлі заўзятасці» ўсё ж прытрымліваюцца іншай пазіцыі, чым хейтэры з Укантакце.

«А тыя, хто ад нас адпісаліся – мы гэтаму рады. Мы не хочам, каб нас слухалі шавіністы», - кажа музыка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]