Манголію афіцыйна прызналі парушальніцай праз адмову арыштаваць Пуціна

Справу разгледзіць Асамблея дзяржаваў – удзельніцаў Рымскага статута.

Палата папярэдняй вытворчасці II Міжнароднага крымінальнага суда пацвердзіла, што адмова Манголіі арыштаваць кіраўніка Крамля Уладзіміра Пуціна – ігнараванне абавязальніцтваў. Таму справу разгледзіць Асамблея дзяржаваў – удзельніцаў Рымскага статута.

Пра гэта паведамляе прэс-служба МУС.

Згодна з пастановай палаты папярэдняй вытворчасці, Манголія не выканала просьбу МУС аб супрацоўніцтве, насуперак палажэнням Рымскага статута. Такі крок Улан-Батара перашкаджаў ажыццяўленню судом сваіх функцый і паўнамоцтваў.

«Беручы да ўвагі сур'ёзнасць адмовы Манголіі супрацоўнічаць з судом, Палата ўважае за неабходнае перадаць гэтае пытанне на разгляд Асамблеі дзяржаваў-удзельніцаў», – сказана ў паведамленні МУС.

Таксама палата папярэдняй вытворчасці ў сваёй пастанове падкрэсліла, што імунітэт кіраўніка дзяржавы не з'яўляецца падставай для таго, каб ігнараваць ордар на арышт.

«Дзяржавы-ўдзельніцы і дзяржавы, якія прызнаюць юрысдыкцыю суда, абавязаны арыштоўваць і выдаваць асобаў, на якіх выдадзеныя ордары МУС, незалежна ад іх афіцыйнага становішча або грамадзянства», – пацвердзіла палата папярэдняй вытворчасці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]