Bild: Індыя заблакавала ўступленне Турцыі ў БРІКС

З-за сяброўства з Пакістанам.

Анкары найбліжэйшым часам давядзецца адмовіцца ад ідэі ўступлення ў БРІКС. Пра гэта паведамляе нямецкае выданне BILD. У публікацыі адзначаецца, што супраць далучэння Турцыі да эканамічнага блока актыўна выступае Індыя.

«Прэзідэнт Турцыі Раджэп Таіп Эрдаган хоча далучыцца да альянсу БРІКС і падаў заяўку на ўступленне перад 16-м самітам альянсу. Але пакуль што яму давядзецца пахаваць гэтую ідэю», – нагадвае выданне.

Тлумачачы немагчымасць неадкладнага ўступлення Турцыі ў БРІКС, BILD падкрэслівае, што добрыя стасункі Анкары і Ісламабада сур'ёзна насцярожваюць аднаго з ключавых чальцоў блока - Індыю, у якой напружаныя стасукні з Пакістанам.

Аналізуючы імкненне турэцкага лідара стаць сябрам БРІКС, экспэрты адзначаюць, што такім чынам Эрдаган хоча забіць адразу двух зайцаў.

Па-першае, прадэманстраваць Еўрасзвязу, які не жадае бачыць Турцыю ў сваіх шэрагах, што «не вельмі і хацелася».

Па-другое, магчымасць адначасовага сяброўства і ў NАТО, і ў БРІКС, на думку экспэртаў, вельмі вабіць Раджэпа Эрдагана, паколькі гэты факт як бы падкрэслівае пасрэдніцкую ролю Турцыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]