Трэнера беларускіх фігурыстаў не пусцілі ў Расею праз пашпарт Украіны

Трэнерку пратрымалі сем гадзін у аэрапорце, а затым выдалі паперу аб выдварэнні з тэрыторыі РФ.

Таццяну Бяляеву, трэнерку беларускіх фігурыстаў Вікторыі Пласконнай і Уладзіслава Сыціка, якія выступаюць у танцах на лёдзе, не пусцілі ў Расею праз украінскае грамадзянства. Пра гэта яна распавяла ««Спорт-Экспрессу»».

Бяляева разам са сваімі падапечнымі накіроўвалася ў Магнітагорск на першы этап Гран-пры Расеі. Пасля прылёту ў Маскву Бяляевай, у якой грамадзянства Украіны, у аэрапорце Шарамеццеве не далі права на ўезд у Расею.

«Я ведала, што грамадзяне Украіны доўга праходзяць расейскую мяжу, летась я правяла 12 гадзін у Шарамеццеве. <...> А мяне сёлета ўвогуле не прапусцілі! <...> Пратрымалі мяне сем гадзін у аэрапорце, выдалі паперу аб «выдварэнні» з тэрыторыі Расеі. Дзякуй, што ў расейскім фігурным катанні ёсць сябры і маіх дзяцей не кінуць у гэтай складанай для іх сітуацыі», - распавяла Бяляева.

Са слоў Бяляевай, яна яшчэ летась «была шакаваная такім прыёмам», але не магла ўявіць, што праз год прыехаць стане немагчыма. «Мне было сказана, што да заканчэння «СВА» нават не спрабуйце ўязджаць у Расею, гэта бескарысна. Я перажыву, але спартоўцы ў гэтай сітуацыі пакутуюць больш за ўсё, а ў іх зараз і так складаны перыяд», - дадала трэнерка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]